Старое Высокае (Гомельская вобласьць)
Старо́е Высо́кае[1] — вёска ў Беларусі, каля мэліярацыйных каналаў. Цэнтар сельсавету Ельскага раёну Гомельскай вобласьці. Насельніцтва 333 чал. (2004). Знаходзіцца за 27 км на захад ад места і чыгуначнай станцыі Ельск (лінія Каленкавічы — Оўруч), за 204 км ад Гомелю. Аўтамабільная дарога зьвязвае вёску зь Ельскам.
| Старое Высокае | |
| |
| Першыя згадкі: | XVIII стагодзьдзе |
| Краіна: | Беларусь |
| Вобласьць: | Гомельская |
| Раён: | Ельскі |
| Сельсавет: | Старавысокаўскі |
| Насельніцтва: | 333 чал. (2004) |
| Часавы пас: | UTC+3 |
| Тэлефонны код: | +375 2354 |
| Нумарны знак: | 3 |
| Геаграфічныя каардынаты: | 51°46′0″ пн. ш. 28°50′0″ у. д. / 51.76667° пн. ш. 28.83333° у. д.Каардынаты: 51°46′0″ пн. ш. 28°50′0″ у. д. / 51.76667° пн. ш. 28.83333° у. д. |
Старое Высокае на мапе Беларусі ±   Старое Высокае | |
 Галерэя здымкаў у Вікісховішчы
| |
Гісторыя
рэдагавацьУпершыню вёска Высокае Мазырскага павету Менскага ваяводзтва згадваецца ў пачатку XVIII ст. У сярэдзіне XVIII ст. яна падзялілася на дзьве вёскі — Старое і Новае Высокае.
У выніку другога падзелу Рэчы Паспалітай (1793) Старое Высокае апынулася ў складзе Расейскай імпэрыі, у Мазырскім павеце Менскай губэрні. Паводле вынікаў перапісу (1897) тут дзейнічала царква, працавала крама; вёска ўваходзіла ў склад Скараднянскай воласьці. У 1905 тут адкрылася школа. У 1908 вёска ўваходзіла ў склад Каролінскай воласьці.
Насельніцтва
рэдагаваць- XVIII стагодзьдзе: 1795 — 16 двароў, 112 жыхароў
- XIX стагодзьдзе: 1897 — 31 двор, 248 жыхароў (паводле перапісу)
- XX стагодзьдзе: 1908 — 57 двароў, 311 жыхароў; 1940 — 62 двары, 197 жыхароў; 1959 — 178 жыхароў (паводле перапісу); 1999 — 343 жыхары
- XXI стагодзьдзе: 2004 — 124 гаспадаркі, 333 жыхары[2]
Крыніцы
рэдагаваць- ^ Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4. (pdf)
- ^ Гарады і вёскі Беларусі. Энцыкл. Т. 1. Кн. 1. — Менск, 2004.
Літаратура
рэдагаваць- Гарады і вёскі Беларусі: Энцыклапедыя. Т. 1, кн. 1. Гомельская вобласць / С.В. Марцэлеў; рэдкал.: Г.П. Пашкоў (гал. рэд.) [і інш.]. — Менск: БелЭн, 2004. — 632 с.: іл. ISBN 985-11-0303-9.