Станіслаў Сангін

Станіслаў Сангін
	Станіслаў Сангін
Дата нараджэньня	каля 1818
Дата сьмерці	15 лютага 1863
Месца сьмерці	Рэчыца, Пружанскі павет, Гарадзенская губэрня, Літоўскае генэрал-губэрнатарства, Расейская імпэрыя;
Прычына сьмерці	загінуў у баі[d]
Сябра ў	Віленская археалягічная камісія

Біяграфія

Гарадзенскі чыноўнік. Выступаў у віленскім друку з артыкуламі на эканамічныя тэмы, быў абраны ў Віленскую археалягічную камісію, зьбіраў экспанаты для Віленскага музэю старажытнасьцяў. Па выхадзе ў адстаўку працаваў упраўляючым маёнтку ў Бельскім павеце.

Паплечнік Кастуся Каліноўскага. Разам з Фэліксам Ражанскім і Валерам Урублеўскім прымаў удзел у выданьні й распаўсюдзе «Мужыцкай праўды». Сфармаваў у Сямятычах паўстанцкі атрад^[2], удзельнічаў у выправе Рамана Рагінскага ў глыб Беларусі. 13 лютага [ст. ст. 1 лютага] 1863 аб’яднаны атрад Сангіна і Браніслава Рыльскага захапіў Пружану. Праз два дні загінуў у баі пад Рэчыцай^[3] (цяпер у Камянецкім раёне).

Ягоная жонка Багуміла (у дзявоцтве Барташэвіч) памерла 3 сьнежня 1868 у Карклінах(pl)^[4]. Мелі сына Мацея.

^ Noble families in Lithuania: The Songin family (анг.) — У разьдзеле «Songin family with Sreniawa coat of arms» згадваецца маёнтак каля Карклінаў, якім род валодаў ужо ў 1595. Менавіта тут нарадзіўся сын і памерла жонка С. Сангіна (гл. далей). Праверана 26 кастрычніка 2011 г.
^ Franciszek Malczewski. Bitwa Siemiatycka — 6—7. II. 1863 (пол.). Głos Siemiatycz On Line. Праверана 26 кастрычніка 2011 г.
^ Эдвард Зайкоўскі. За зямлю і за волю. Культурна-асьветніцкі клюб «Спадчына». Праверана 26 кастрычніка 2011 г.
^ Jean-Pierre Sangin. Rodzina Songinow (анг.) LaFamille. Personal Ancestral File. Праверана 26 кастрычніка 2011 г.

Старонкі мінулага // Памяць: Гіст.-дакум. хроніка Пружанскага р-на / Беларус. Энцыкл.; Рэдкал. І. П. Шамякін (гал. рэд.) і інш.; Маст. А. М. Хількевіч. — Мн.: БелЭн, 1992. ISBN 5-85700-094-7. — С. 27—29.