Рэкта (Жлобінскі раён)
Рэ́кта[1] — вёска ў Беларусі. Уваходзіць у склад Луцкага сельсавету Жлобінскага раёну Гомельскай вобласьці. Насельніцтва 757 чал. (2010). Знаходзіцца за 16 км на поўнач ад места Жлобін, за 6 км ад чыгуначнай станцыі Луцкая (лінія Жлобін — Магілёў), за 100 км ад Гомелю.
| Рэкта | |
| |
| Першыя згадкі: | XX ст. |
| Краіна: | Беларусь |
| Вобласьць: | Гомельская |
| Раён: | Жлобінскі |
| Сельсавет: | Луцкі |
| Насельніцтва: | 757 чал. (2010) |
| Часавы пас: | UTC+3 |
| Тэлефонны код: | +375 2334 |
| Нумарны знак: | 3 |
| Геаграфічныя каардынаты: | 52°58′0″ пн. ш. 29°56′0″ у. д. / 52.96667° пн. ш. 29.93333° у. д.Каардынаты: 52°58′0″ пн. ш. 29°56′0″ у. д. / 52.96667° пн. ш. 29.93333° у. д. |
Рэкта на мапе Беларусі ±   Рэкта | |
 Галерэя здымкаў у Вікісховішчы
| |
На ўсходзе і поўначы мэліярацыйныя каналы. У 1986 годзе былі пабудаваныя цагляныя дамы на 55 кватэр, у якіх разьмясьціліся перасяленцы з забруджаных радыяцыяй тэрыторыяў у выніку катастрофы на Чарнобыльскай АЭС.
Гісторыя
рэдагавацьПаводле пісьмовых крыніц вядомая з пачатку XX стагодзьдзя як сяло ў Лукаўскай воласьці Рагачоўскага павету Магілёўскай губэрні. У 1909 годзе фальварак, 270 дзесяцін зямлі. У 1924 годзе ў выніку парадкаваньня земляў фальварку былі створаны пасёлкі Зялёны Крыж і Лозкі (не існуюць). У 1929 годзе арганізаваны калгас «Чырвоны лётчык». У часе Вялікай Айчыннай вайны акупанты спалілі 29 двароў, забілі 17 жыхароў. У баях каля вёскі ў чэрвені 1944 году загінулі 97 савецкіх салдатаў (пахаваныя ў брацкай магіле ў цэнтры). На франтах загінулі 36 жыхароў. З 30 красавіка 1948 году да сьнежня 1993 году цэнтар Рэкцянскага сельсавету Жлобінскага раёну. У 1962 годзе да вёскі далучаныя суседнія вёскі Вялікі Лес, Новы Мазалаў. Цэнтар саўгасу «Рэкцянскі». Працуюць пачатковая школа, Дом культуры, бібліятэка, фэльчарска-акушэрскі пункт, дзіцячыя ясьлі-сад, аддзяленьне сувязі, крама.
У склад Рэкцянскага сельсавету ўваходзілі: да 1962 году вёскі Вялікі Лес, Новы Мазалаў (у наш час не існуюць).
Насельніцтва
рэдагаваць- XX стагодзьдзе: 1909 — 1 двор, 14 жыхароў; 1940 — 137 двароў, 548 жыхароў; 1959 — 122 жыхары (паводле перапісу); 1999 — 853 жыхары
- XXI стагодзьдзе: 2004 — 277 гаспадарак, 776 жыхароў[2]; 2010 — 757 жыхароў
Крыніцы
рэдагаваць- ^ Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4. (pdf)
- ^ Гарады і вёскі Беларусі. Энцыкл. Т. 1. Кн. 1. — Менск, 2004.
Літаратура
рэдагаваць- Гарады і вёскі Беларусі: Энцыклапедыя. Т. 1, кн. 1. Гомельская вобласць / С.В. Марцэлеў; рэдкал.: Г.П. Пашкоў (гал. рэд.) [і інш.]. — Менск: БелЭн, 2004. — 632 с.: іл. ISBN 985-11-0303-9.