Рамязы
Рамязы́[1] — вёска ў Беларусі, на правым беразе рэчкі Чэрцень. Цэнтар сельсавету Ельскага раёну Гомельскай вобласьці. Насельніцтва 522 чал. (2004). Знаходзяцца за 14 км на захад ад места і чыгуначнай станцыі Ельск (лінія Каленкавічы — Оўруч), за 191 км ад Гомелю; на аўтамабільнай дарозе Ельск — Махнавічы.
| Рамязы | |
| Краіна: | Беларусь |
| Вобласьць: | Гомельская |
| Раён: | Ельскі |
| Сельсавет: | Рамязоўскі |
| Насельніцтва: | 522 чал. (2004) |
| Часавы пас: | UTC+3 |
| Тэлефонны код: | +375 2354 |
| Нумарны знак: | 3 |
| Геаграфічныя каардынаты: | 51°49′18″ пн. ш. 28°57′0″ у. д. / 51.82167° пн. ш. 28.95° у. д.Каардынаты: 51°49′18″ пн. ш. 28°57′0″ у. д. / 51.82167° пн. ш. 28.95° у. д. |
Рамязы на мапе Беларусі ±   Рамязы | |
Гісторыя рэдагаваць
Упершыню Рамязы згадваюцца ў XVI ст. як сяло Мазырскага павету Менскага ваяводзтва. Тут працаваў руднік, на якім здабывалася жалеза для лякальных патрэбаў. Мясьціна знаходзілася ў валоданьні роду Ельцаў.
У выніку другога падзелу Рэчы Паспалітай (1793) Рамязы апынуліся ў складзе Расейскай імпэрыі, у Мазырскім павеце Менскай губэрні. У 1862 улады адкрылі тут народную вучэльню. Паводле вынікаў перапісу (1897) у Рамязах дзейнічалі царква і малітоўны дом; працавалі народная вучэльня, крама, вадзяны млын, валюш, карчма. У 1908 вёска ўваходзіла ў склад Мялешкавіцкай воласьці.
Насельніцтва рэдагаваць
- XVIII стагодзьдзе: 1798 — 22 двары, 165 жыхароў
- XIX стагодзьдзе: 1816 — 23 двары; 1866 — 46 двароў; 1897 — 80 двароў, 399 жыхароў (паводле перапісу)
- XX стагодзьдзе: 1908 — 90 двароў, 606 жыхароў; 1924 — 187 двароў, 1038 жыхароў; 1940 — 217 двароў; 1959 — 890 жыхароў (паводле перапісу); 1999 — 529 жыхароў
- XXI стагодзьдзе: 2004 — 211 гаспадарак, 522 жыхары[2]
Крыніцы рэдагаваць
- ^ Назвы населеных пунктаў Рэспублікі Беларусь: Гомельская вобласць: нарматыўны даведнік / Н. А. Багамольнікава і інш.; пад рэд. В. П. Лемцюговай. — Мн.: Тэхналогія, 2006. — 382 с. ISBN 985-458-131-4. (pdf)
- ^ Гарады і вёскі Беларусі. Энцыкл. Т. 1. Кн. 1. — Менск, 2004.
Літаратура рэдагаваць
- Гарады і вёскі Беларусі: Энцыклапедыя. Т. 1, кн. 1. Гомельская вобласць / С.В. Марцэлеў; рэдкал.: Г.П. Пашкоў (гал. рэд.) [і інш.]. — Менск: БелЭн, 2004. — 632 с.: іл. ISBN 985-11-0303-9.