Панявеж

Паняве́ж (па-летувіску: Panevėžys, мянушка: Aukstaitjos sostine — «сталіца Аўкштоты») — горад у цэнтральнай Летуве, разьмяшчаецца на рацэ Нявежы (прыток Нёмана). Насельніцтва налічвае 129 тыс. чалавек. Гэта пяты па колькасьць насельніцтва горад Летувы. Займае прыкладна 50 км². Горад зьяўляецца адміністрацыйным цэнтрам Панявескага павету і Панявескага гарадзкога раёну. Праз горад ідзе аўтамагістраль Вільня — Рыга. Чыгункай злучаецца зь Дзьвінскам і Шаўлямі, дзейнічаюць два аэрапорты мясцовага значэньня. Панявеж лічыцца сталіцай этнаграфічнага рэгіёну Аўкштота.

Панявеж
лет. Panevėžys
Герб Панявежу Сьцяг Панявежу
Першыя згадкі:	1503
Краіна:	Летува
Павет:	Панявескі
Раён:	Панявескі гарадзкі
Мэр:	Рыціс Мікалас Рачкаўскас[d]
Плошча:	50 км²
Насельніцтва (2018)
колькасьць:	98 598 чал.
шчыльнасьць:	1971,96 чал./км²
Часавы пас:	UTC+2
летні час:	UTC+3
Тэлефонны код:	845
Паштовы індэкс:	35001
Геаграфічныя каардынаты:	55°44′ пн. ш. 24°21′ у. д.
Панявеж на мапе Летувы Панявеж
Галерэя здымкаў у Вікісховішчы
http://www.panevezys.lt

Гісторыя

Упершыню горад узгадваецца 7 верасьня 1503 году ў грамаце вялікага князя літоўскага Аляксандра Ягелончыка, дзе бурмістру Рымгалаў даравалася зямля з умовай пабудовы на ёй касьцёла. На правым беразе Нявяжы ўтварылася паселішча з касьцёлам, гандлёвай плошчай, карчмой, броварняй і лазьняй, якое атрымала назву Стары Панявеж. У пачатку ХVІ стагодзьдзя на левым беразе Нявяжы на дзяржаўных землях утварылася новае паселішча, якое атрымала назву Новы Панявеж. Абедзьве часткі аб’ядналіся ў 1780 годзе. У 1727 годзе ў Панявежы заснаваўся ордэн піяраў, які пабудаваў касьцёл, манастыр і калегію — першую сярэднюю школу ў горадзе.

У нашы дні Панявеж зьяўляецца цэнтрам прамысловасьці Летувы, тут разьмяшчаюцца некалькі буйных прадпрыемстваў, якія былі заснаваныя яшчэ ў часы СССР. Насельніцтва сучаснага Панявежу складаецца зь летувісаў (96%), расейцаў (2,6%), беларусаў (0,2%), украінцаў (0,2%) і іншых (3,6%).

Спорт

• Панявеж (футбольны клюб);
• Аўкштайтыя (стадыён).