Неманья Відзіч
Неманья Відзіч (па-сэрбску: Немања Видић; нарадзіўся 21 кастрычніка 1981 году, Вужыцэ, Югаславія) — сэрбскі футбаліст, абаронца. Былы гулец нацыянальнай зборнай Сэрбіі. Перш за ўсё вядомы паводле выступам за ангельскі «Манчэстэр Юнайтэд», капітанам якога зьяўляўся.
| Німанья Відзіч | ||
 | ||
| Пэрсанальная інфармацыя | ||
|---|---|---|
| Нарадзіўся | 21 лістапада 1981 (43 гады) Вужыцэ, Югаславія | |
| Рост | 189 см | |
| Вага | 84 кг | |
| Пазыцыя | абаронца | |
| Клюбы | ||
| Гады | Клюб | Гульні (галы)¹ |
| 2000—2004 2000—2001 2004—2006 2006—2014 2014—2016 |
Црвена Зьвезда → Спартак (Субоціца) Спартак (Масква) Манчэстэр Юнайтэд Інтэрнацыянале |
67 (12) 27 (6) 39 (4) 211 (15) 23 (1) |
| Зборныя | ||
| 2002—2006 2006—2011 |
Сэрбія і Чарнагорыя Сэрбія |
20 (1) 37 (1) |
Біяграфія
рэдагавацьНеманья Відзіч нарадзіўся ў сям’і Драгалюба, былога працоўніка меднай фабрыкі, і Зоры, якая працавала ў банку. Ён пачаў займацца футболам ува ўзросце 7 гадоў. Разам са сваім старэйшым братам Душанам Неманья трэніраваўся ў мясцовым клюбе «Адзінства». Відзіч хутка прагрэсаваў, і ўжо ўва ўзросьце 12 гадоў перайшоў у іншы клюб, «Слабада»[1][2].
Таленавітага гульца запрыкмецілі скаўты «Црвены Зьвезды», якая запрасіла абаронцу да сябе. Незадоўга да свайго 15 году нараджэньня, Відзіч падпісаў моладзевы кантракт з «Црвенай Зьвездай». З 2000 году ён пачаў выступаць на прафэсійным узроўні, правёўшы сэзон 2000—2001 гадоў у арэндзе ў клюбе «Спартак» з Субоціцы. Ужо ў наступным сэзоне ён вярнуўся ў «Црвену Зьвезду», у якой хутка заваяваў месца ў аснове і пачаў рэгулярна выступаць у чэмпіянаце Югаславіі. У сэзоне 2001—2002 гадоў Відзіч стаў уладальнікам Кубка Югаславіі[3], а празь некаторы час быў абраны капітанам клюбу.
У ліпені 2004 году Відзіч перайшоў у клюб расейскай Прэм’ер-лігі «Спартак». Сума трансфэру не выкрывалася, аднак, паводле некаторых крыніцаў, Відзіч стаў самым дарагім абаронцам у гісторыі РФПЛ на той момант[4].
Пасьля 1,5 сэзонаў у маскоўскім «Спартаку» Відзіч перайшоў у клюб ангельскай Прэм’ер-лігі «Манчэстэр Юнайтэд». «Юнайтэд» выяўляў цікавасьць да таленавітага сэрбскага абаронцы яшчэ зь лета 2003 году[5], але трансфэр адбыўся толькі праз два з паловай гады, 5 студзеня 2006 году. Сума дамовы, як паведамляецца, склала каля 7 млн фунтаў[6].
У сэзоне 2006—2007 гадоў Відзіч трывала заваяваў месца ў аснове каманды, сфармаваўшы ў цэнтры абароны магутны зьвяз з Рыё Фэрдынандам, які стаў у далейшым адной з наймацнейшых у ангельскім футболе[7]. Свой першы гол за «Юнайтэд» Відзіч забіў 14 кастрычніка 2006 году ў матчы супраць «Ўіган Атлетыку», які «чырвоныя д’яблы» выйгралі зь лікам 3:1[8]. 4 лістапада Відзіч зноўку адзначыўся голам, на гэты раз у браму «Портсмуту». 8 лістапада 2007 году Неманья падпісаў новы кантракт з клюбам, падоўжыўшы яго на два гады, да 2012 году[9]. У лютым 2011 году Відзіч стаў капітанам каманды, пасьля таго як Гэры Нэвіл скончыў сваю кар’еру. У сэзоне 2010—2011 гадоў абаронца быў абраны лепшым гульцом Прэм’ер-лігі. У сьнежні 2011 году ў матчы супраць «Базэлю» Відзіч атрымаў разрыў зьвязак калена і выбыў на паўгады[10]. Гулец вярнуўся на поле ў жніўні 2012 году, але затым зноў выбыў на 2 месяцы праз апэрацыі на мэніску калена правай нагі.
«Інтэрнацыянале»
рэдагаваць5 сакавіка 2014 году «Інтэр» абвесьціў пра тое, што Відзіч з сэзону 2014—2015 гадоў будзе выступаць за італьянскі клюб, пасьля таго як у ліпені 2014 году скончыцца кантракт зь «Юнайтэд»[11].
Асабістае жыцьцё
рэдагаваць17 ліпеня 2006 году Відзіч ажаніўся на Ганьне Іванавіч, студэнтцы факультэта эканомікі Бялградзкага ўнівэрсытэта (ня блытаць з аднайменнай сэрбскай тэнісісткай). У пары нарадзіўся сын, Лука[12]. 27 траўня 2009 году ў пары нарадзіўся другі сын, Стэфан. Акрамя таго яны маюць трэцяга сына, якога клічуць Пэтарам.
Дасягненьні
рэдагавацьЦрвена Зьвезда:
- Чэмпіён Сэрбіі і Чарнагорыі: 2004
- Уладальнік Кубка Югаславіі: 2002
- Уладальнік Кубка Сэрбіі і Чарнагорыі: 2004
Манчэстэр Юнайтэд:
- Чэмпіён Ангельшчыны (5): 2007, 2008, 2009, 2011, 2013
- Уладальнік Кубка футбольнай лігі Ангельшчыны (3): 2006, 2009, 2010
- Уладальнік Супэркубка Ангельшчыны (5): 2007, 2008, 2010, 2011, 2013
- Пераможца Лігі чэмпіёнаў: 2008
- Пераможца Клюбнага чэмпіянату сьвету: 2008
Крыніцы
рэдагаваць- ^ Nemanja Vidić profile. UEFA.com.
- ^ Rođen za Mančester. Glas javnosti.
- ^ Yugoslavia Cup 2001/02. Rec.Sport.Soccer Statistics Foundation. RSSSF.com
- ^ Spartak swoop for Vidic. UEFA.com
- ^ Nada Grkinic. Vidic boosts Man Utd hope. BBC Sport.
- ^ Oliver Kay. United clear to sign Vidic but mystery surrounds fee. Times Online.
- ^ Paul Fletcher. How Man Utd ousted Chelsea. BBC Sport
- ^ Jonathan Stevenson. Wigan 1-3 Man Utd. BBC Sport.
- ^ Vidic signs new Man Utd contract. BBC Sport.
- ^ Фергюсон подтвердил, что Видич выбыл до конца сезона. championat.com
- ^ Nemanja Vidic, capitano del Manchester United, all'Inter dalla prossima stagione. Inter.it
- ^ Amy Lawrence. Profile: Nemanja Vidic. The Observer. guardian.co.uk
Вонкавыя спасылкі
рэдагаваць
Неманья Відзіч — сховішча мультымэдыйных матэрыялаў
- Афіцыйны сайт
- Профіль на сайце «Манчэстэр Юнайтэд»
- Статыстыка на Soccerbase
- Профіль на сайце УЭФА