Мікіткі

Мікі́ткі — вёска ў Мядзельскім раёне Менскай вобласьці. Уваходзіць у склад Мядзельскага сельсавету.

Мікіткі
трансьліт. Mikitki
Краіна:	Беларусь
Вобласьць:	Менская
Раён:	Мядзельскі
Сельсавет:	Мядзельскі
Насельніцтва:	15 чал. (2010)
Часавы пас:	UTC+3
Тэлефонны код:	+375 1797
Паштовы індэкс:	222381
Нумарны знак:	5
Геаграфічныя каардынаты:	54°59′28″ пн. ш. 26°50′20″ у. д.
Мікіткі на мапе Беларусі ± Мікіткі Мікіткі

Гісторыя

• 1868 год — зьяўлялася вёскай у Кабыльніцкай воласьці Сьвянцянскага павету Віленскай губэрні. Вёска налічвала 2 двары і 33 жыхароў.
• 1904 год — насельніцтва вёскі складала 25 жыхароў.
• 1921 год — вёска ў складзе Мядзельскай гміны Дунілавіцкага павету (з 1925 году — Пастаўскага) Віленскага ваяводзтва. Налічвала 8 двароў і 37 жыхароў.
• 1940 год — у вёсцы 21 двор і 91 жыхар.
• З 12 кастрычніка 1940 году вёска знаходзіцца ў складзе Латвянскага сельсавету Пастаўскага раёну (з 25 лістапада 1940 году — Мядзельскага) Вялейскай вобласьці (з 20 верасьня 1944 году — Маладэчанскай).
• У верасьні 1943 году падчас Вялікай Айчыннай вайны нямецка-фашысцкія захопнікі спалілі вёску (21 двор) і забілі 3 жыхароў. Пасьля вайны вёска была адбудаваная.
• 1949 год — у вёсцы створаны калгас «Зара свабоды».
• З 1954 году вёска знаходзіцца ў складзе калгасу «40 гадоў Кастрычніка» з цэнтрам у вёсцы Лотва (да 22 кастрычніка 1957 году калгас меў назву імя Булганіна).
• 20 студзеня 1960 году вёска ўвайшла ў склад Менскай вобласьці.
• 1960 год — насельніцтва вёскі складала 93 жыхароў.

Насельніцтва

• 2010 год — 15 жыхароў
• 1999 год — 24 жыхары
• 1 студзеня 1997 году — 15 двароў, 31 жыхар

Інфраструктура

У вёсцы разьмяшчаюцца бібліятэка, крама, клюб, жывёлагадоўчая фэрма.

Літаратура

• Памяць: Гіст.-дакум. хроніка Мядзельскага р-на. — Мн.: БелЭн, 1998. — 635, [3] с. ISBN 985-11-0107-9.