Мікола Антонавіч Чарнецкі

Мікола Антонавіч Чарнецкі (22 траўня 1899, в. Малыя Азяраны, Гарадзенскі павет — 19 студзеня 1944, Беластоцкая вобласьць, БССР) — публіцыст, пэдагог, палітычны дзеяч.

Мікола Чарнецкі
Мікола Антонавіч Чарнецкі
Дата нараджэньня	22 траўня 1899
Месца нараджэньня	вёска Малыя Азяраны, Ваўкавыскі павет, Гарадзенская губэрня, Паўночна-Заходні край, Расейская імпэрыя
Дата сьмерці	19 студзеня 1944
Месца сьмерці	Беластоцкі раён, Беларуская ССР, СССР
Школа/традыцыя	Праскі ўнівэрсытэт
Пэрыяд	1929—1944

Біяграфія

Настаўнікі Клецкай гімназіі ў 1931 годзе. Зьлева направа — Рыгор Якубёнак, Мікола Чарнецкі, Вячаслаў Арэнь, Мікола Рудакевіч

Паходзіў зь сялянскай сям’і. У 1918 скончыў Сьвіслацкую настаўніцкую сэмінарыю. Да 1921 знаходзіўся ў бежанстве ў Расеі, дзе загінула ўся яго сям’я.

З 1923 навучаўся ў Празе, скончыў Праскі ўнівэрсытэт са ступеньню доктара філязофіі ў 1929. Сябра Беларускай партыі сацыялістаў-рэвалюцыянэраў, у 1923—1929 уваходзіў у Замежнае бюро БПСР у Празе. Уваходзіў у Аб’яднаньне беларускіх студэнцкіх арганізацыяў.

У 1929 вярнуўся ў Заходнюю Беларусь, працаваў настаўнікам беларускіх гімназіяў у Радашкавічах і Клецку.

У 1939 прызначаны савецкай уладаю дырэктарам школы ў в. Крынкі. У 1940 — кіраўнік асьветы Крынкаўскага раёну. Арыштаваны НКВД БССР, уцёк з-пад арышту.

Падчас нямецкай акупацыі працаваў у Беларускім нацыянальным камітэце ў Беластоку. Удзельнік беларускага нацыянальнага падпольля. Па-зьверску забіты польскім падпольлем недалёка ад Беластоку.

Літаратура

• Сяргей Ёрш «Мучанік за беларускую ідэю» // Ніва. 1996, 10 сак.
• Сяргей Чыгрын. Лёс настаўнікаў Клецкай беларускай гімназіі. // Краязнаўчая газета : газэта. — 2023, чэрвень. — № 22 (939). — С. 1, 3.

Вонкавыя спасылкі

• Слоўнік Маракова