Мікаэль Люстыг
Карл Мікаэ́ль Лю́стыг (па-швэдзку: Carl Mikael Lustig; нарадзіўся 13 сьнежня 1986 году, Умеа, Швэцыя) — колішні швэдзкі футбаліст, абаронца. Мае на сваім рахунку матчы ў складзе нацыянальнай зборнай Швэцыі.
| Мікаэль Люстыг | ||
.jpg)
| ||
| Пэрсанальная інфармацыя | ||
|---|---|---|
| Нарадзіўся | 13 сьнежня 1986[1] (37 гадоў) | |
| Рост | 190 см | |
| Вага | 78 кг | |
| Пазыцыя | скрайні абаронца | |
| Клюбы | ||
| Гады | Клюб | Гульні (галы)¹ |
| 2004—2005 2005—2008 2008—2012 2012—2019 2019—2020 2020—2022 |
Умеа ГІФ Сундсваль Русэнборг Сэлтык Гент АІК |
12 (1) 81 (8) 95 (14) 160 (13) 16 (0) 67 (4) |
| Зборныя | ||
| 2008—2021 | Швэцыя | 94 (6) |
Кар’ера
рэдагавацьРаньнія гады
рэдагавацьСваю футбольную кар’еру Люстыг пачынаў у швэдзкім клюбе «Сандокернс СК», які выступае ў ніжэйшых дывізіёнах краіны. У 2004 годзе ён перайшоў у каманду «Умеа», зь якой у сэзоне 2005 году дасягнуў першага месца ў трэцім дывізіёне Швэцыі, што дало права выступаць у наступным сэзоне ў Супэрэтане.
«Сундсваль»
рэдагавацьУ жніўні 2005 году Люстыг падпісаў кантракт з клюбам «ГІФ Сундсваль»[2]. Да заканчэньня сэзону 2005 году ён пасьпеў правесьці толькі 8 сустрэчаў у Альсвэнскане, у якіх ён 2 разы адзначыўся забітым мячом. Гэта не выратавала ягоны новы клюб ад перадапошняга месца ў чэмпіянаце Швэцыі, таму «Сундсваль» вылецеў у другі па сіле дывізіён. У наступным сэзоне 2006 году Люстыг канчаткова замацаваўся ў аснове каманды, правёўшы 28 матчы й забіўшы 3 галы. У 2007 годзе ён разам з камандай фінішаваў на трэцім месцы ў Супэрэтане, што азначала вяртаньне каманды ў Альсвэнскан.
«Русэнборг»
рэдагавацьУ ліпені 2008 году Люстыг перайшоў у нарвэскі клюб «Русэнборг». Сума пераходу склала 8 млн швэдзкіх кронаў[3], кантракт быў падпісаны на тры з паловай гады. З 2009 году швэдзкі футбаліст зьяўляўся гульцом асноўнага складу. У 2009 і 2010 гадох ён разам з камандай станавіўся чэмпіёнам Нарвэгіі. Сваёй гульнёй ён прыцягнуў увагу адразу некалькіх эўрапейскіх клюбаў: у прыватнасьці, цікавасьць да яго праяўлялі ангельскі «Ўэст Гэм Юнайтэд»[4], італьянскія «Мілян»[5] і «Леччэ»[6].
«Сэлтык»
рэдагаваць1 студзеня 2012 году Мікаэль Люстыг на правах вольнага агента далучыўся да шатляндзкага «Сэлтыку»[7].
Міжнародная кар’ера
рэдагавацьУ студзені 2008 году трэнэр галоўнай зборнай краіны Лярс Лягербэк уключыў абаронцу ў склад каманды на таварыскія гульні. 19 студзеня Мікаэль дэбютаваў у зборнай Швэцыі, выйшаўшы на поле ў сустрэчы супраць зборнай ЗША, у якой швэды атрымалі паразу зь лікам 0:2[8].
Дасягненьні
рэдагаваць«Русэнборг»:
- Чэмпіён Нарвэгіі (2): 2009, 2010
«Сэлтык»:
- Чэмпіён Шатляндыі (8): 2012, 2013, 2014, 2015, 2016, 2017, 2018, 2019
- Уладальнік Кубка Шатляндыі (4): 2013, 2017, 2018, 2019
- Уладальнік Кубка шатляндзкай лігі (4): 2015, 2017, 2018, 2019
Крыніцы
рэдагаваць- ^ а б в Mikael Lustig // As (гішп.) — Madrid: PRISA, 1967. — ISSN 1888-6671
- ^ «Mikael Lustig lämnar UFC för GIF Sundsvall». ufc.se
- ^ «Lustig avslutning för Mikael». aftonbladet.se
- ^ West Ham jagar Mikael Lustig. nyheter24.se
- ^ Jeg forlenger ikke med Rosenborg adressa.no
- ^ U.S. Lecce förhandlar om Mikael Lustig. eurosport.se
- ^ Celtic agree pre-contract deal with Mikael Lustig. BBC Sport
- ^ Mikael Lustig. svenskfotboll.se
Вонкавыя спасылкі
рэдагаваць- Профіль (анг.) на Transfermarkt
- Профіль (анг.) на Soccerway
- Профіль (анг.) на Worldfootball
- Профіль на сайце weltfussball.de
- Статыстыка на сайце National Football Teams