Медзікі
Ме́дзікі[1] — вёска ў Беларусі, каля ракі Падакупкі. Уваходзяць у склад Трабскага сельсавету Іўеўскага раёну Гарадзенскай вобласьці.
| Медзікі лац. Miedziki | |
| Краіна: | Беларусь |
| Вобласьць: | Гарадзенская |
| Раён: | Іўеўскі |
| Сельсавет: | Трабскі |
| Насельніцтва: | 8 чал. (2009) |
| Часавы пас: | UTC+3 |
| Тэлефонны код: | +375 1595 |
| Паштовы індэкс: | 231352 |
| СААТА: | 4229851131 |
| Нумарны знак: | 4 |
| Геаграфічныя каардынаты: | 54°11′58″ пн. ш. 25°48′22″ у. д. / 54.19944° пн. ш. 25.80611° у. д.Каардынаты: 54°11′58″ пн. ш. 25°48′22″ у. д. / 54.19944° пн. ш. 25.80611° у. д. |
Медзікі на мапе Беларусі ±   Медзікі | |
Назва рэдагаваць
- Асноўны артыкул: Мадзейка
Мадака, пазьней Мэдэка (Madacho, Mädecke[2]) — імя германскага паходжаньня[3]. Іменная аснова мад- (мед-, мат-) (імёны ліцьвінаў Матывік, Медвін, Матар; германскія імёны Mathwig, Medwinus, Matter) паходзіць ад гоцкага maþa 'добры, пачэсны'[4].
Гісторыя рэдагаваць
У другой палове XVIII ст. вёска ў Ашмянскім павеце Віленскага ваяводзтва. Адносілася да маёнтку Сурвілішкі (у 1774 г. уласнасьць Ю. Стыпалкоўскага, пісара Лідзкага павету). 3 1802 г. у складзе маёнтку перайшла ва ўладаньне А. Колышкі, земскага віленскага. Затым належала Земскім, Паплаўскім, Дмахоўскім.
У сярэдзіне XIX ст. у Жамыслаўскай воласьці Ашмянскага павету. У 1861 г. 65 рэвіскіх душ, у складзе маёнтку Сурвілішкі Дмахоўскіх. У 1897 г. у Трабскай воласьці, 32 двары, 181 жыхар. У 1905 г. у вёсцы 158 жыхароў, 210 дзесяцін зямлі, у аднайменным засьценку 21 жыхар, 17 дзесяцін зямлі. У 1909 г. у вёсцы 29 двароў, 159 жыхароў, у засьценку 4 двары, 19 жыхароў.
У 1921—1939 гг. у Трабскай гміне Валожынскага павету Наваградзкага ваяводзтва Польшчы. У 1921 г. 31 двор, 150 жыхароў.
3 12 кастрычніка 1940 году вёска (35 двароў, 190 жыхароў) у Чэневіцкім сельсавеце Юрацішкаўскага раёну. З 26 чэрвеня 1941 году да 8 ліпеня 1944 году пад нямецкай акупацыяй. У 1949 г. створаны калгас «Працаўнік». З 2 сьнежня 1959 году ў Трабскім сельсавеце. 3 20 студзеня 1960 году ў Іўеўскім раёне. 3 1960 г. у саўгасе «Трабы». У 1970 г. 61 жыхар. Потым у складзе аграфірмы-калгасу «Трабы».
Насельніцтва рэдагаваць
- 1999 год — 12 чалавек, 5 двароў
- 2009 год — 8 чалавек[5]
Крыніцы рэдагаваць
- ^ Назвы населеных пунктаў Рэспублікі Беларусь: Гродзенская вобласць: нарматыўны даведнік / І. А. Гапоненка і інш.; пад рэд. В. П. Лемцюговай. — Мн.: Тэхналогія, 2004. — 469 с. ISBN 985-458-098-9. (pdf) С. 236.
- ^ Kapff R. Deutsche Vornamen: mit den von ihnen abstammenden Geschlechtsnamen sprachlich erläutert. — Nürtingen am Neckar, 1889. S. 63.
- ^ Förstemann E. W. Altdeutsches Namenbuch. Bd. 1: Personennamen. — Bonn, 1900. S. 1109.
- ^ Дайліда А. Пачаткі Вялікага княства Літоўскага: ад стварэння да Крэўскай уніі / Рэц. С. Тарасаў. — Менск, 2019. С. 24.
- ^ Вынікі перапісу
Літаратура рэдагаваць
- Памяць: Гіст.-дакум. хроніка Іўеўскага раёна. — Мн.: БЕЛТА, 2002. — 510 с.: іл. ISBN 985-6302-45-5.