Леанід Гоманаў
Леані́д Міха́йлавіч Го́манаў (1953, Прапойск, Магілёўская вобласьць, цяпер Беларусь) — беларускі мастак-плякатыст.
Леанід Гоманаў | |
| Дата нараджэньня | 22 лістапада 1953 (71 год) |
|---|---|
| Месца нараджэньня | Прапойск, Магілёўская вобласьць, Беларуская ССР, СССР |
| Адукацыя | Беларускі тэатральна-мастацкі інстытут (1991) |
| Месца вучобы | |
| Занятак | плякатыст |
| Працы | нізка плякатаў «Беларускія асьветнікі», плякаты да кінафільма «Хрыстос прызямліўся ў Гародні» (1989) |
Стварыў нізку плякатаў «Беларускія асьветнікі» — Эўфрасіньня Полацкая, Кірыла Тураўскі, Францішак Скарына, Мікола Гусоўскі і Сімяон Полацкі. Таксама працуе ў жывапісе і кніжнай графіцы[1].
Жыцьцяпіс
рэдагавацьУ 1974 годзе скончыў Менскую мастацкую вучэльню. У 1991 годзе скончыў Беларускі тэатральна-мастацкі інстытут і ўладкаваўся ў выдавецтва «Навука і тэхніка»[2]. Адначасна стаў сябрам Беларускага саюзу мастакоў.
Творчасьць
рэдагавацьАсноўныя творы: «Спыніць гонку ўзбраеньняў» (1984), «Перабудова» (1986), «Чарнобыль 26.4.86» (1988); «Дапамажы дзецям чарнобыльскай зоны» і «Хто адкажа?» (1990). Таксама стварыў плякаты да кінафільмаў «Хрыстос прызямліўся ў Гародні» (1989) і «Сівая легенда» (1992)[2]. Яго творы захоўваюць Нацыянальны мастацкі музэй Рэспублікі Беларусь і Дзяржаўны літаратурна-мэмарыяльны музэй Якуба Коласа.
Крыніцы
рэдагаваць- ^ Даты, падзеі, людзі // Зьвязда : газэта. — 22 лістапада 2013. — № 220 (27585). — С. 8. — ISSN 1990-763x.
- ^ а б Галія Фатыхава. Гоманаў Леанід Міхайлавіч // Беларуская энцыкляпэдыя ў 18 тамах / гал.рэд. Генадзь Пашкоў. — Менск: Беларуская энцыкляпэдыя імя Петруся Броўкі, 1997. — Т. 5: Гальцы — Дагон. — С. 330. — 576 с. — 10 000 ас. — ISBN 985-11-0090-0
 |
Гэта — накід артыкула пра асобу з Беларусі. Вы можаце дапамагчы Вікіпэдыі, пашырыўшы яго. |