Крамбамбуля (гурт)

Крамбамбу́ля — беларускі гурт, які выконвае музыку ў зьмяшаным стылі пад уплывам року ды поп-фольку. Заснаваны ў 2001 годзе Лявонам Вольскім ды музыкамі гурту Hasta la Fillsta. Выпусьціў чатыры студыйныя альбомы, зборнік найлепшых песень ды два інтэрнэт-самотнікі. Песьні пераважна па-беларуску, а таксама па-польску ды па-азэрбайджанску (сьпеў Гюнэш Абасавай). Назва гурту паходзіць ад назвы аднайменнага напою. У 2005 годзе ў «Кліп-марафоне» песьня «Турысты» перамагла ў намінацыі «Анімацыйныя кліпы», а «Абсэнт» — у намінацыі «Лірыка». У 2007 годзе гурт прыняў удзел у пазаконкурснай частцы фэстывалю Басовішча-2007. Удзельнічалі ў фэсьце «Кубак Піва». У 2010 склад гурту цалкам абноўлены (ад першага складу застаўся толькі Лявон Вольскі). У новым складзе гурт запісаў новы самотнік «Раз-два-тры — усе за стол!». 2011 год адзначаны альбомам «Драбадзі-драбада» з кавэрамі на папулярныя народныя песьні сьвету. Кружэлка вылучаецца выразным рокавым гучаньнем. Песьні гурту гучалі ў кароткамэтражным фільме «Колер каханьня» і стужцы 2010 году «Дастыш фантастыш».

Крамбамбуля лац. Krambambula
Крамбамбуля на «Басовішчы-2007»
Гады	2001 — цяпер
Месца ўтварэньня	Менск, Беларусь
Мова	беларуская
Жанр	поп-рок, фольк
Выдавец	West Records, GO-Records
Зьвязаныя праекты	N.R.M. Zet Neuro Dubel Ляпіс Трубяцкі Jitters Drezden
Удзельнікі	Лявон Вольскі, Міхась Марынічаў, Алег Гарус, Павал Аракелян, Андрэй Якубчык, Павал Мамонаў
Былыя ўдзельнікі	Сяргей Канановіч, Уладзіслаў Плюшчаў, Аляксандар Хаўкін, Мікола Белановіч, Сяргей Міхалок, Аляксандар Кулінковіч, Гюнэш Абасава, Аляксандар Быкаў,Паўлюк Рысь, Алесь Францішак Мышкевіч
lavonvolski.com

Дыскаграфія

Альбомы

• Застольны альбом (2002)
• Каралі раёну («Крамбамбуля 1½» 2003)
• Радыё Крамбамбуля 0,33 FM (2004)
• Сьвяточная (2007)
• The Best albo Belarusian Disco (2007)
• Drabadzi-Drabada (2011)
• Чырвоны штраль (2015)

Самотнікі

• «Dolce Vita» (2007)
• «Раз-два-тры — усе за стол!» (2010)

Удзел у складанках

• Наша музыка 1 (2003) — «Госьці»
• Прэм’ер Тузін 2005 (2005) — «Турысты»
• Прэм’ер Тузін 2007 (2007) — «Таварыш Маўзэр»

Удзельнікі

• Лявон Вольскі: сьпеў, гітара, клявішы
• Алег Гарус: гітара, укулеле, сьпеў
• Павал Аракелян: саксафон, флейта, сьпеў
• Алесь-Францішак Мышкевіч: бас-гітара, сьпеў
• Андрэй Якубчык: труба, сьпеў
• Павал Мамонаў: бубны

Былыя ўдзельнікі:

• Сяргей Канановіч: гітара, дрыля-мандаліна (2001—2010)
• Паўлюк Рысь: гітара, сьпеў
• Уладзіслаў Плюшчаў: бас-гітара (2001—2010)
• Аляксандар Хаўкін: скрыпка, клявішы (2001—2010)
• Аляксандар Быкаў: бубны (да 2004)
• Радаслаў (Радэк) Сасноўцаў: труба, сьпеў
• Кастусь Карповіч: трамбон (да 2012)
• Сяржук Штэндэр: бубны (да 2012)
• Мікола Белановіч: бубны, пэркусія (да 2010)

Запрошаныя выканаўцы:

• Сяргей Міхалок: сьпеў (ад 2003)
• Аляксандар Кулінковіч: сьпеў (ад 2003)
• Гюнэш Абасава: сьпеў (2004 — альбом «Радыё Крамбамбуля 0,33 FM»)

Іншыя ўдзельнікі:

• Ігар Назаранка: дызайн (ад 2003)
• Павал Кузюковіч: валторна (2004)
• Іван Галушка: трамбон (2004)
• Зьміцер Ціхановіч: труба (2004)
• Уладзімер Федарук: акардэон (2004)
• Аляксандар Старажук: пэркусія (2004)
• Павал Кудрын: флейта (2004)
• Юрась Жданаў: труба (2007)
• Ульляна Найдзен: сьпеў (2007)
• Ганна Казлова: сьпеў (2007)

Літаратура

• Д.П. «КРАМБАМБУЛЯ» // Энцыклапедыя беларускай папулярнай музыкі (бел.) / уклад. Дз. Падбярэзскі і інш. — Мінск: Зміцер Колас, 2008. — С. 143–144. — 368 с. — 2000 ас. — ISBN 978-985-6783-42-8

Вонкавыя спасылкі

• Старонка гурта Крамбамбуля на сэрвісе Myspace.com
• «Мора, сонца і пальмы, і гарачы пясок, і цытрынавы сок…»: Цунамі пазытыву ад Крамбамбулі
• «Валянцінаўская Крамбамбуля» для закаханых у жыцьцё
• Гарачая Крамбамбуля на «Зімовым канцэрце»
• Ёсьць нагода: «Крамбамбуля» выканала першую пяцігодку
• Крамбамбуля на Басовішчы-2007