Княжпагосцкі раён

Княжпагосцкі раён (па-расейску: Княжпогостский район, комі-зыр. Княжпогост район) — муніцыпальнае ўтварэньне і адміністрацыйна-тэрытарыяльная адзінка ў рэспубліцы Комі, Расея.

Княжпагосцкі раён
рас. Княжпогостский район, комі-зыр. Княжпогост район
Герб
Агульныя зьвесткі
Краіна	Расея
Статус	раён
Уваходзіць у	рэспубліку Комі
Адміністрацыйны цэнтар	Емва
Улучае	10 сельскіх і 2 мескія паселішчы
Дата ўтварэньня	1939
Кіраўнік адміністрацыі	Віктар Папоў
Афіцыйныя мовы	расейская, комі-зыранская
Насельніцтва	25 066 чал.
Нацыянальны склад	комі-зыране, расейцы
Канфэсійны склад	праваслаўныя
Плошча	25 080 км²
Месцазнаходжаньне Княжпагосцкага раёну
Мэдыя-зьвесткі
Часавы пас	+4
Тэлефонны код	+7 82139
Код аўтам. нумароў	11, 111
Афіцыйны сайт
Дадатковыя мультымэдыйныя матэрыялы

Геаґрафія

Раён разьмешчаны на захадзе рэспублікі. Мяжуе з Вусьць-Цылемскім, Іжэмскім, Корткераскім, Сыктыўдзінскім, Вусьць-Вымскім, Удорскім раёнамі, а таксама зь мескай акругай Ухта. Плошча раёну складае 25 080 км². На тэрыторыі раёну працякаюць рэкі Вым, Елва, Мезень, Варыква, Вясьляна, Тобысь і Ўхта.

Гісторыя

Гісторыя мясцовасьці пачынаецца на мяжы XV і XVI стагодзьдзяў, калі комі-зыранскія вымскія князі заснавалі пагост Княж. Менавіта ад назвы пагосту Княж паходзіць старая назва раённага цэнтру — гораду Емва — Княжпагост, а разам зь ёй і назва раёну. З XVII стагодзьдзя ў мясцовасьці вядомая солездабыўчая прамысловасьць.

Першапачаткова тэрыторыя раёну ўваходзіла ў Валагодзкую й Архангельскую губэрні, пасьля ўтварэньня СССР — у Вусьць-Вымскі павет Аўтаномнае Вобласьці Комі (Зыранаў). 14 ліпеня 1939 году раён утвораны ў сучасных межах шляхам вылучэньня яго тэрыторыі з Вусьць-Вымскага павету.

Дэмаґрафія

Насельніцтва раёну складае 25 066. Большасьць насельніцтва — комі, адсоткавая доля якіх складае прыкладна 75%. Большасьць вернікаў — праваслаўныя.

Адміністрацыйнае ўладкаваньне

У склад раёну ўваходзяць 2 мескія і 10 сельскіх паселішчаў.

Назва	Адміністратыўны цэнтар
Важаельскае с/п	п. Важаель
Вецьюскае с/п	п. Вецью
Емвінскае м/п	г. Емва
Іёсерскае с/п	п. Іёсер
Княжпагосцкае с/п	с. Княжпагост
Мяшчурскае с/п	п. Мяшчура
Сіндорскае м/п	пгт Сіндор
Сярогаўскае с/п	с. Сярогава
Трактаўскае с/п	п. Тракт
Тур’інскае с/п	с. Тур’я
Чыньяворыцкае с/п	п. Чыньяворык
Шошкінскае с/п	с. Шошка

Транспарт

Праз раён праходзіць значная чыгуначная лінія — Паўночная чыгунка. Яна зьвязвае Емву з Ухтой, Мікуньню, а таксама з пасёлкамі Чыньяворык, Іёсер, Сіндор і Тракт.

Таксама ў раёне існуюць аўтадарогі, якія зьвязваюць населеныя пункты раёну зь Мікуньню, Сыктыўкарам, Ухтой і некаторымі іншымі раённымі цэнтрамі Комі.

Вонкавыя спасылкі

Княжпагосцкі раён — сховішча мультымэдыйных матэрыялаў

• Официальный сайт. Администрация муниципального района «Княжпогостский» (рас.)