Удорскі раён

Удорскі раён (па-расейску: Удорский район, комі-зыр. Удора район) — муніцыпальнае ўтварэньне і адміністрацыйна-тэрытарыяльная адзінка ў рэспубліцы Комі, Расея.

Удорскі раён
рас. Удорский район, комі-зыр. Удора район
Герб
Агульныя зьвесткі
Краіна	Расея
Статус	раён
Уваходзіць у	рэспубліку Комі
Адміністрацыйны цэнтар	Каслан
Улучае	12 сельскіх і 3 мескіх паселішчаў
Дата ўтварэньня	1929
Глава адміністрацыі	Васіль Фёдараў
Афіцыйныя мовы	расейская, комі-зыранская
Насельніцтва	22 769 чал.
Нацыянальны склад	расейцы, комі-зыране
Канфэсійны склад	праваслаўныя
Плошча	35 800 км²
Месцазнаходжаньне Удорскага раёну
Мэдыя-зьвесткі
Часавы пас	+4
Тэлефонны код	+7 82135
Код аўтам. нумароў	11, 111
Афіцыйны сайт
Дадатковыя мультымэдыйныя матэрыялы

Геаґрафія

Раён разьмешчаны на захадзе рэспублікі Комі. Мяжуе з Вусьць-Цылемскім, Княжпагосцкім, Вусьць-Вымскім раёнамі Комі, а таксама зь Лешуконскім, Пінескім, Верхнетоемскім, Краснаборскім і Ленскім раёнамі Архангельскае вобласьці. Плошча раёну складае 35 800 км². На тэрыторыі раёну працякаюць рэкі Мезень, Пыса і Вашка.

Гісторыя

Раён утвораны 15 ліпеня 1929 году шляхам вылучэньня з тэрыторыі колішняга Вусьць-Вымскага павету Аўтаномнае Вобласьці Комі (Зыранаў).

Дэмаґрафія

Насельніцтва раёну складае 22 769 чалавек. Большасьць насельніцтва — комі (40,9%) і расейцы (45,4 %), прысутнічаюць і беларусы, адсоткавая доля якіх складае 1,3 %. Большасьць вернікаў — праваслаўныя.

Адміністрацыйнае ўладкаваньне

У склад раёну ўваходзяць 3 мескія і 12 сельскіх паселішчаў.

Назва	Адміністрацыйны цэнтар
Благоеўскае м/п	пгт Благоева
Бутканскае с/п	с. Буткан
Важгорцкае с/п	с. Важгорт
Воскае с/п	п. Воскі
Глотаўскае с/п	с. Глотава
Едвінскае с/п	п. Едва
Ёртамскае с/п	с. Ёртам
Касланскае с/п	с. Каслан
Междурэчанскае м/п	пгт Междурэчанск
Пучкомскае с/п	с. Вялікая Пучкама
Пыскае с/п	с. Вялікая Пыса
Усагорскае м/п	пгт Усагорск
Чарнуцьцеўскае с/п	с. Чарнуцьцева
Чымскае с/п	п. Чым
Чупраўскае с/п	с. Чуправа

Транспарт

Праз раён праходзіць значная частка расейскае Паўночнае чыгункі — лінія Мікунь — Благоева. Плянуецца пашырэньне лініі да Архангельску, што зьяўляецца часткай праекту Белкомур. Паводле праекту плянуецца працягнуць чыгуначную лінію Сыктыўкар — Мікунь — Благоева з двух бакоў, такім чынам злучыўшы парты на Белым моры з Комі-Пярмяцкай акругай і Пермскім краем.

Таксама ў раёне існуюць аўтадарогі мясцовага ўзроўню, якія зьвязваюць раённы цэнтар пасёлак Каслан з паселішчамі Ўсагорск, Междурэчанск, Разгорт і шэрагам памежных раёнаў Комі й Архангельскае вобласьці.

Вонкавыя спасылкі

Удорскі раён — сховішча мультымэдыйных матэрыялаў

• Администрация муниципального района «Удорский» (рас.)