Вусьць-Вымскі раён

Вусьць-Вымскі раён (рас. Усть-Вымский район, комі-зыр. Емдін район) — муніцыпальнае ўтварэньне і адміністрацыйна-тэрытарыяльная адзінка ў рэспубліцы Комі, Расея.

Вусьць-Вымскі раён
рас. Усть-Вымский район, комі-зыр. Емдін район
Герб
Агульныя зьвесткі
Краіна	Расея
Статус	раён
Уваходзіць у	рэспубліку Комі
Адміністрацыйны цэнтар	сяло Айкіна
Улучае	10 сельскіх і 2 мескія паселішчы
Дата ўтварэньня	1929
Глава адміністрацыі	Мустафа Махмудаў
Афіцыйныя мовы	расейская, комі-зыранская
Насельніцтва	30 674 чал.
Нацыянальны склад	комі-зыране, расейцы
Канфэсійны склад	праваслаўныя
Плошча	4775 км²
Месцазнаходжаньне Вусьць-Вымскага раёну
Мэдыя-зьвесткі
Часавы пас	+4
Тэлефонны код	+7 82134
Код аўтам. нумароў	11, 111
Афіцыйны сайт
Дадатковыя мультымэдыйныя матэрыялы

Геаґрафія

Раён разьмешчаны на ўсходзе Комі. Мяжуе з Удорскім, Княжпагосцкім, Сыктыўдзінскім раёнамі рэспублікі, а таксама зь Ленскім раёнам Архангельскае вобласьці. Плошча раёну складае 4775 км². На тэрыторыі раёну працякаюць рэкі Вычагда, два яе дробныя прытокі і рака Вым.

Гісторыя

Прыкладна да 17 стагодзьдзя мясцовасьць уваходзіла ў склад Пермі Вычагодзкае — гістарычнае комі-зыранскае вобласьці, якая зьяўлялася адной з частак фэадальных уладаньняў комі.

Раён утвораны 15 ліпеня 1929 году ў складзе Аўтаномнае Вобласьці Комі (Зыранаў). У 1939 годзе з раёну вылучана паўночна-ўсходняя частка, зь якой быў утвораны Княжпагосцкі раён. Да 1943 году цэнтар раёну знаходзіўся ў сяле Вусьць-Вым, пасьля пераведзены ў сяло Айкіна.

Дэмаґрафія

Насельніцтва раёну складае 30 674 чалавекі, большасьць зь якіх складаюць комі і расейцы. Большасьць вернікаў — праваслаўныя.

Адміністратыўнае ўладкаваньне

У склад раёну ўваходзяць 10 сельскіх і 2 гарадзкія паселішчаў.

Назва	Адміністрацыйны цэнтар
Айкінскае с/п	с. Айкіна
Вяжайскае с/п	п. Вяжайка
Гамскае с/п	с. Гам
Данаельскае с/п	п. Данаель
Жэшарцкае м/п	пгт Жэшарт
Ільля-Шорскае с/п	п. Ільля-Шор
Кажмудорскае с/п	с. Кажмудор
Мадмаскае с/п	п. Мадмас
Мікуньскае м/п	г. Мікунь
Мяжогскае с/п	с. Мяжог
Студзянецкае с/п	п. Студзянец
Вусьць-Вымскае с/п	с. Вусьць-Вым

Транспарт

Праз раён праходзяць лініі Паўночнае чыгункі, дзякуючы якой мястэчка Мікунь зьвязанае з паселішчамі Ільля-Шор, Мяжог, Мадмас, а таксама з гарадамі Котлас, Сыктыўкар і Ўхта.

У раёне маюцца аўтадарогі мясцовага ўзроўню, якія зьвязваюць Вусьць-Вым і Мікунь зь іншымі паселішчамі раёну, а таксама з суседнімі раёнамі Комі і Архангельскае вобласьці.

Вонкавыя спасылкі

Вусьць-Вымскі раён — сховішча мультымэдыйных матэрыялаў

• Официальный сайт Усть-Вымского района Республики Коми (рас.)