Жэрвініё
Жэрвэ́ Лямб Яо́ Куасі́ (па-француску: Gervais Lombe Yao Kouassi), больш вядомы як Жэрвініё (франц. Gervinho; нарадзіўся 27 траўня 1987 году, Аньяма, Кот д’Івуар) — івуарыйскі футбаліст, нападнік грэцкага клюбу «Арыс» і нацыянальнай зборнай Кот д’Івуару. Сваю мянушку атрымаў ад аднаго бразыльскага трэнэра яшчэ выступаючы на радзіме.
| Жэрвініё | ||
.jpg)
| ||
| Пэрсанальная інфармацыя | ||
|---|---|---|
| Нарадзіўся | 27 траўня 1987[1][2][3] (36 гадоў)
| |
| Рост | 179 см | |
| Вага | 68 кг | |
| Пазыцыя | флангавы паўабаронца | |
| Клюбная інфармацыя | ||
| Клюб | Арыс Тэсалёнікі | |
| Нумар | 27 | |
| Клюбы | ||
| Гады | Клюб | Гульні (галы)¹ |
| 2005—2007 2007—2009 2009—2011 2011—2013 2013—2016 2016—2018 2018—2021 2021—2022 2022— |
Бэвэрэн Лё-Ман Ліль Арсэнал Рома Хэбэй Чайна Форчун Парма Трабзанспор Арыс Тэсалёнікі |
61 (14) 59 (8) 67 (28) 46 (9) 71 (17) 29 (4) 88 (23) 9 (2) 11 (1) |
| Зборныя | ||
| 2008— | Кот д’Івуар | 88 (23) |
|
¹ Колькасьць гульняў і галоў за прафэсійны клюб лічыцца толькі | ||
Кар’ераРэдагаваць
КлюбнаяРэдагаваць
Жэрвініё распачаў кар’еру ў юнацкай камандзе абіджанскага клюбу «АСЭК Мімозас», дзе правёў пяць гадоў. Менавіта ў гэтым клюбе ад бразыльскага трэнэра атрымаў мянушку «Жэрвініё». Неўзабаве футбаліст перайшоў у клюб другога івуарыйскага дывізіёна «Тумадзі», дзе некаторы час гуляў разам з братамі Яя, Калё й Ібраімам Турэ.
Праз два гады Куасі перайшоў у бэльгійскі чэмпіянат, дзе да 2007 году гуляў у складзе «Бэвэрэну». У сэзоне 2007—2008 гадоў выступаў у францускім чэмпіянаце ў клюбе «Ле-Ман» разам са сваім суайчыньнікам Рамарыкам. Пасьля добрага сэзону ў «Ле-Мане» футбалістам зацікавіліся скаўты некалькіх клюбаў, як то «Манака», «Пары Сэн-Жэрмэн», «Алімпік» Марсэль і «Арсэнал». Але ў выніку 21 ліпеня 2009 году Жэрвініё падпісаў трохгадовы кантракт з клюбам «Ліль».
18 ліпеня 2011 году перайшоў у лёнданскі «Арсэнал», падпісаўшы з клюбам доўгатэрміновы кантракт[4][5]. У сваім дэбютным матчы ў Прэм’ер-Лізе супраць «Ньюкасл Юнайтэд» гулец быў выдалены з поля на 76-й хвіліне пасьля сваркі з Джоі Бартанам[6]. 19 жніўня 2013 году футбаліст падпісаў кантракт з італьянскім клюбам «Рома» тэрмінам да 30 чэрвеня 2017 году[7]. 25 жніўня 2013 году дэбютаваў за «Рому» у матчы 1-га туру чэмпіянату Італіі 2013—2014 гадоў у гасьцёх супраць «Ліворна»[8].
МіжнароднаяРэдагаваць
У лістападзе 2007 году Жэрвініё быў выкліканы ў галоўную зборную краіны на таварыскія матчы супраць зборных Анголы й Катару, а пазьней запрошаны ў склад зборнай на Кубак афрыканскіх нацыяў 2008 году. 15 чэрвеня 2010 году Жэрвініё згуляў свой першы матч на чэмпіянаце сьвету 2010 году. Ён адгуляў 82 хвіліны супраць зборнай Партугаліі й быў названы найлепшым гульцом матчу паводле вэрсіі гледачоў ITV1.
ДасягненьніРэдагаваць
«Ліль»:
- Чэмпіён Францыі: 2011
- Уладальнік Кубка Францыі: 2011
«Трабзанспор»:
- Чэмпіён Турэччыны: 2022
Кот-д’Івуар:
- Уладальнік Кубка афрыканскіх нацыяў: 2015
КрыніцыРэдагаваць
- ^ а б Gervinho // FBref.com (мн.)
- ^ а б YAO KOUASSI GERVINHO // Argentine Soccer Database (гішп.)
- ^ а б Gervais Yao Kouassi // As (гішп.) — Madrid: Grupo PRISA, 1967.
- ^ Венгер подтвердил переход Жервиньо в Арсенал». Чемпионат.com
- ^ Gervinho transféré à Arsenal FC. LOSC
- ^ Match Report: Newcastle United 0-0 Arsenal. Arsenal.com
- ^ Gervinho completes transfer to Roma. Arsenal FC
- ^ Livorno - Roma 0:2, De Rossi fa felice Garcia. La Repubblica
Вонкавыя спасылкіРэдагаваць
- Профіль(анг.) на Transfermarkt
- Профіль на Ligue 1
- Профіль на ESPN
- Статыстыка на Soccerbase