Ньюкасл Юнайтэд

ангельскі футбольны клюб

«Ньюка́сл Юна́йтэд» (па-ангельску: Newcastle United Football Club — «Аб’яднаны футбольны клюб Ньюкаслу») — прафэсійны ангельскі футбольны клюб з гораду Ньюкасл-апон-Тайн, на паўночным усходзе Ангельшчыны. Заснаваны ў 1892 годзе. Чатырохразовы чэмпіён Ангельшчыны, шасьціразовы ўладальнік Кубка Ангельшчыны. Хатні стадыён «Юнайтэд», «Сэнт-Джэймз Парк», быў адчынены ў 1880 годзе. Ён уваходзіць у чацьвёрку найбуйнейшых футбольных стадыёнаў у Ангельшчыне й умяшчае каля 52 тысячаў балельшчыкаў.

Ньюкасл Юнайтэд
Newcastle United.svg
Поўная назва Newcastle United Football Club
Заснаваны 9 сьнежня 1892
Горад Ньюкасл-апон-Тайн, Ангельшчына
Стадыён Сэнт-Джэймз Парк
Умяшчальнасьць: 52 409
Галоўны трэнэр Стыў Брус
Чэмпіянат Прэм’ер-Ліга
 · 2020—2021 12 месца
Хатнія колеры
Выязныя колеры
Трэція колеры
https://www.nufc.co.uk/

Клюб мае сталага суперніка «Сандэрлэнд», дэрбі зь якім мае назоў Тайр-Ўірскае дэрбі і праводзіцца з 1898 году. Традыцыйнымі колерамі клюбу ёсьць чорна-белыя паласатыя кашулі, чорныя трусы й чорныя шкарпэткі. Іхная традыцыйная эмблема мае элемэнты гарадзкога гербу, які ўключае ў сябе двух марскіх канькоў.

СымболікаРэдагаваць

ЭмблемаРэдагаваць

Цяперашняя эмблема «Ньюкасл Юнайтэд» была ўпершыню выкарыстана ў сэзоне 1888—1889 гадоў[1]. Ейны дызайн заснаваны на гербе гораду, які знаходзіўся ў звароце яшчэ з XIV стагодзьдзя й быў афіцыйна прыняты ў 1954 годзе[2]. Як на гербе Ньюкаслу, гэтак і на эмблеме мясцовага клюбу намаляваныя два гіпакампусы, якія «адлюстроўваюць моцную ўзаемасувязь Тайнсайду з морам». У арыгінальным гербе гораду «мітычныя марскія канькі» таксама выступаюць як захавальнікі замка Ньюкаслу. Матыў гэтага замка знайшоў адлюстраваньне й у эмблеме «сарокаў» — у выглядзе вежы, якая сыбалізуе самы раньні пэрыяд у гісторыі гораду[1][2]. Залаты леў на вяршыні гэтай вежы таксама прысутнічае на абодвух геральдычных знаках. Але калі на гербе Ньюкаслу леў трымае вымпел з крыжам Сьвятога Георгія на традыцыйным белым фоне, то для эмблемы футбольнага клюбу гэты фон быў трансфармаваны ў блакітны. Поўнае зьмяненьне зьведаў і шчыт — цэнтральны элемэнт эмблемы, чыё першапачатковае напаўненьне замянілі чорна-белыя палосы з хатняй формы «Ньюкаслу».

У якасьці першай эмблемы, якую калі-небудзь выкарыстаў клюб, выступіў той жа герб Ньюкаслу-эпон-Тайну: ён зьявіўся на кашулях у фінале Кубка Ангельшчыны 1920 году, а таксама на некалькіх гульнях Лігі ў наступным сэзоне[3]. Працягваючы ўзьнікаць на ўсіх кубкавых фіналах, герб больш не выкарыстоўваўся ва ўнутраным першынстве да 1969 году, калі ў некалькі зьмененым выглядзе стаў неад’емным атрыбутам формы «Ньюкаслу».

ТрафэіРэдагаваць

СкладРэдагаваць

Актуальны на 6 верасьня 2021 году
Пазыцыя Імя Год нараджэньня
1   Бр Марцін Дубраўка 1989
2   Аб Кіран Кларк 1989
3   Аб Пол Дамэт 1991
5   Аб Фабіян Шэр 1991
6   Аб Джамаал Ласэлз (капітан) 1993
7   Нап Жоэлінтан 1996
8   ПА Джонджа Шэлві 1992
9   Нап Калам Ўілсан 1992
10   Нап Алян Сэн-Максымэн 1997
11   Аб Мэт Рытчы 1989
12   Аб Джамал Льюіс 1998
14   ПА Айзэк Гайдэн 1995
16   ПА Джэф Гэндрык 1992
Пазыцыя Імя Год нараджэньня
17   Аб Эміль Крафт 1994
18   Аб Фэдэрыка Фэрнандэс 1989
19   Аб Хавіер Манкільлё 1994
21   Нап Раян Фрэйзэр 1994
23   Нап Джэйкаб Мэрфі 1995
24   ПА Мігель Альмірон 1994
26   Бр Карл Дарлаў 1990
27   Бр Фрэдзі Ўудман 1997
28   ПА Джо Ўілак 1999
29   Бр Марк Джылісьпі 1992
34   Нап Дўайт Гэйл 1989
36   ПА Шон Лонгстаф 1997
  Нап Сант’яга Муньяс (ар. С. Лягуна) 2002

КрыніцыРэдагаваць

  1. ^ а б Клюбны герб. Newcastle United Football Club Official Website
  2. ^ а б Герб гораду Ньюкасл-Апон-Тайн. Newcastle City Council Official Website.
  3. ^ Гісторыя футбольнай формы. Historical Football Kits.

Вонкавыя спасылкіРэдагаваць

  Ньюкасл Юнайтэдсховішча мультымэдыйных матэрыялаў