Жызэль Бюндхэн
Жызэль Бюндхэн (па-нямецку: Gisele Bündchen; нарадзілася 20 ліпеня 1980 году, Арызантына, Бразылія) — бразыльская супэрмадэль, адна з самых вядомых супэрмадэляў у сьвеце. Таксама вядомая як адзін з анёлаў Victoria's Secret.
| Жызэль Бюндхэн | |
_(cropped2).jpg) | |
| Дата нараджэньня | 20 ліпеня 1980 (44 гады) |
|---|---|
| Месца нараджэньня | Арызантына, Бразылія |
| Рост | 180 см |
| Вага | 52 кг |
| Грудзі | 90 см |
| Стан | 60 см |
| Сьцёгны | 89 см |
| Колер валасоў | русыя |
| Вочы | блакітныя |
| Афіцыйны сайт | |
Біяграфія
рэдагавацьЖызэль нарадзілася ў невялікім мястэчку на поўдні Бразыліі. Яе продкі — эмігранты зь Нямеччыны, якія пасяліліся тут у XIX стагодзьдзі. У падлеткавым узросьце Жызэль марыла аб прафэсійнай спартовай кар'еры. Яна гуляла ў валейбольнай камандзе Sogipa.
Кар’еру фотамадэлі Жызэль пачала ў 14 гадоў.
У гэтым узросьце яна паехала зь сябрамі ў Сан-Паўлу, і гэтая паездка назаўжды зьмяніла яе жыцьцё. Яна сядзела са сваімі аднакляснікамі ў мясцовым «МакДональдсе», калі на яе зьвярнуў увагу прадстаўнік мадэльнага агенцтва Elite Modeling, які сядзеў непадалёк. Ён адразу жа прапанаваў ёй паспрабаваць сябе ў індустрыі моды. Спачатку ёй прыйшлося адмовіцца, на гэтым настаяў яе бацька. Аднак, узважыўшы ўсё «за» і «супраць» Жызэль усё жа прыняла такую павабную прапанову.
З тых часоў як кар’ера Жызэль пачала набіраць абароты. Яна прымала ўдзел у кампаніях, арганізаваных такімі буйнымі дамамі мод як Ральф Лаўрэн (Ralph Lauren), Дольчэ і Габана (Dolce&Gabbana), Вэрсачэ (Versace), Валянціна (Valentino), Сэлін (Celine), Джанфранка Фэрэ (Gianfranco Ferre) і Хло (Chloe). Яна зьяўлялася на вокладках такіх аўтарытэтных выданьняў як Вог (Vogue), Мэры Клэр (Marie Claire), Харпэрс Базаар (Harper’s Bazaar), Arena, Allure, Ролінг Стоўн (Rolling Stone), прычым гэты сьпіс стала расьце.
Жызэль зьнялася ў некалькіх фільмах: «Амэрыканскае таксі», «Д’ябал носіць Прада» і «Астэрыкс на Алімпійскіх гульнях».
Жызэль зьяўляецца вялікай прыхільніцай салодкага папкорна, цукерак і сьметанковага марозіва з рознымі напаўняльнікамі, уключаючы сіроп, шакалад, кансэрваваная садавіна. Гэта дзіўна таму, што гэты несумнеўны для мадэлі лупцовак ніяк не адбіваецца на яе больш чым стройнай постаці. Улічваючы дзівосную постаць Жызэль і тую працу, якую яна прарабіла ў індустрыі моды, часопіс Vogue узьвясьціў аб «вяртаньні сапраўды сэксуальнай мадэлі», паколькі яе вонкавыя дадзеныя ўзьвяшчаюць канец эпохі стылю «худой бездагляднасьці», які ўзвёў у сваё час на вяршыню славы Кэйт Мос.
Фільмаграфія
рэдагаваць- 2004 — Амэрыканскае таксі / Taxi
- 2006 — Д’ябал носіць Прада / The Devil Wears Prada
Дадатковыя зьвесткі
рэдагаваць
- Часопіс People Magazine улучыў Жызэль у сьпіс 50 самых прыгожых людзей сьвету.
- Яе імя можна рэгулярна назіраць у сьпісах самых сэксуальных і прыгожых жанчын плянэты, у такіх выданьнях як FHM, Maxim, GQ, Playboy, Stuff і шматлікіх іншых.
- У 2006 годзе бразыльскі часопіс IstoÉ Gente назваў яе «самой уплывовай жанчынай Бразыліі».
- У Жызэль ёсьць пяць сясьцёр: Рахэль (Raquel), Гразыела (Graziela), Габрыела (Gabriela), Рафаэла (Rafaela) і Патрыцыя (Patrícia) (Патрыцыя нарадзілася ў адзін дзень з Жызэль, на 5 хвілін раней).
- Яе старэйшая сястра Рахэль працуе фэдэральным судзьдзёй у Бразыліі.
- Бацькі Жызэль вольна размаўляюць па-нямецку, а яна сама не валодае гэтай мовай.
- Яе банкаўскі рахунак вылічаецца сумай 150 мільёнаў даляраў, яна патрапіла ў Кнігу рэкордаў Гінэса як «найбагацейшая супэрмадэль у сьвеце».
- Яе ёркшырскі тэр’ер мае мянушку Віда (Vida), што азначае «жыцьцё» па-партугальску.
- Жызэль адхіліла прапанову зьняцьца ў фільме «Анёлы Чарлі» з-за шчыльнага графіка працы.
- На працягу 3-х гадоў сустракалася зь Леанарда Дыкапрыё, яны рассталіся ў 2005 годзе.
- Жызэль балее за футбольны клюб Grêmio з роднага мястэчка ў Бразыліі.
- У 2006 годзе Жызэль прыняла ўдзел у здымках для каляндара Пірэлі (Pirelli calendar).
- Татуіроўку на ўнутраным боку запясьця яна вырашыла сабе зрабіць пасьля першай сваёй ночы ў Нью-Ёрке, калі ў цёмным небе над мэгаполісам яна не змагла знайсьці зорку, каб памаліцца.