Дабравольшча

Дабраво́льшча — вёска ў Жлобінскім раёне Гомельскай вобласьці Беларусі. Уваходзіць у склад Шчадрынскага сельсавету. Насельніцтва 102 чал. (2004). Знаходзіцца за 35 км на паўднёвы захад ад места Жлобін, за 23 км ад чыгуначнай станцыі Чырвоны Бераг (лінія Бабруйск — Жлобін), за 132 км ад Гомелю.

Дабравольшча
Першыя згадкі:	XIX ст.
Вобласьць:	Гомельская
Раён:	Жлобінскі
Сельсавет:	Шчадрынскі
Насельніцтва:	102 чал. (2004)
Часавы пас:	UTC+3
Геаграфічныя каардынаты:	52°49′ пн. ш. 29°33′ у. д.
Дабравольшча на мапе Беларусі Дабравольшча

Гісторыя

Паводле пісьмовых крыніцаў вядомая з XIX стагодзьдзя як вёска ў Сьцепскай воласьці Бабруйскага павету Менскай губэрні. У 1872 годзе з фальварку Бяльчо перанесеная ў вёску. Паводле перапісу 1897 году ў вёсцы знаходзілася царква, царкоўна-прыхадзкая школа, хлебазапасная крама. У 1905 годзе ў наёмнай хаце адкрытая школа, у пачатку 1920-х для яе быў вылучаны нацыяналізаваны будынак.

З 20 жніўня 1924 году да 16 ліпеня 1954 году цэнтар Дабравольшчынскага сельсавету Парыцкага раёну Бабруйскай (да 26 ліпеня 1930 году) акругі, з 20 лютага 1938 году Палескай, з 20 верасьня 1944 году Бабруйскай, з 8 студзеня 1954 году Гомельскай вобласьці. У 1930 годзе арганізаваны калгас, працавалі кузьня і вятрак. 46 жыхароў загінулі ў часе Вялікай Айчыннай вайны. Паводле перапісу 1959 году ў складзе калгасу імя В. І. Леніна (цэнтар — вёска Дворышча).

Насельніцтва

• XIX стагодзьдзе: 1885 — 20 двароў, 196 жыхароў; 1897 — 47 двароў, 329 жыхароў (паводле перапісу)
• XX стагодзьдзе: 1959 — 387 жыхароў (паводле перапісу)
• XXI стагодзьдзе: 2004 — 57 гаспадарак, 102 жыхары

Літаратура

• Гарады і вёскі Беларусі: Энцыклапедыя. Т. 1, кн. 1. Гомельская вобласць / С.В. Марцэлеў; рэдкал.: Г.П. Пашкоў (гал. рэд.) [і інш.]. — Менск: БелЭн, 2004. — 632 с.: іл. ISBN 985-11-0303-9.