Жыліна (футбольны клюб)

«Жыліна» (па-славацку: Žilina) — славацкі футбольны клюб з гораду Жыліны. Заснаваны ў 1908 годзе. Сяміразовы чэмпіён Славаччыны, уладальнік Кубка Славаччыны (2012).

Жыліна
Поўная назва	MŠK Žilina a.s.
Заснаваны	20 чэрвеня 1908
Горад	Жыліна, Славаччына
Стадыён	Пад Дубнам Умяшчальнасьць: 11 200
Галоўны трэнэр	Яраслаў Гынэк[d]
Чэмпіянат	Фартуна ліга
· 2023—2024	4 месца
Галерэя здымкаў у Вікісховішчы Афіцыйны сайт

Гісторыя

Клюб быў заснаваны ў канцы 1908 году і спачатку меў вугорскую назву. Афіцыйная рэгістрацыя адбылася 20 чэрвеня 1909 году. Да Другой сусьветнай вайны клюб некалькі разоў здабыў перамогу ў чэмпіянаце Славаччыны.

У часы існаваньня Чэхаславаччыны па вайне «Жыліна» большую частку гісторыі спаборнічала ў найвышэйшым дывізіёне, аднак вялікіх посьпехаў у камандзе не было. Самым пасьпяховым заставаўся сэзон 1946—1947 гадоў, калі жылінскі клюб спыніўся на 4-м месцы. Таксама ўдалым быў 1961 год, калі «Жыліна» дакрочыла да фіналу Кубка Чэхаславаччыны, дзе саступіла праскай «Дукле». Не зважаючы на паразу, каманда, якая ў той час мела назву «Дынама», упершыню ў сваёй гісторыі прабіўся ў Эўропу, дзе пазмагаўся за Кубак уладальнікаў кубкаў УЭФА. Перамогі над «Алімпіякосам» зь лікам 3:2 і 1:0 вывелі іх у чвэрцьфінал, аднак славацкая каманда ў канчатковым рахунку была выбітая пераможцам мінулага сэзону «Фіярэнтынай». Пры гэтым, «Жыліна» спачатку атрымала шматспадзеўную перамогу зь лікам 3:2 у хатнім матчы, але ў Італіі саступіла зь лікам 2:0. Паміж 1972 і 1974 гадамі клюб спыняўся на 5-м радку чэхаславацкай лігі цягам трох гадоў запар, пасьля чаго страціў месца ў першым дывізіёне.

Пасьля разьдзелу Чэхаславаччыны, клюб пачаў спаборнічаць у славацкім чэмпіянаце. Увосень 2000 году ў якасьці новага трэнэра ў клюб прыйшоў былы чэхаславацкі абаронца Ладзіслаў Юркемік. Па ягоным сыходзе ў сярэдзіне сэзону 2001—2002 гадоў клюб прызначыў чэскага трэнэра Леаша Калваду. За часам сваёй кароткай працы ў клюбе ён прывёў іх да перамогі ў айчыннаым першынстве. У сэзоне 2002—2003 гадоў, ужо ачоленыя Міланам Лешыцкім, клюб здолеў утрымаць тытул.

Склад

Актуальны на 21 ліпеня 2024 году

№ Пазыцыя Імя Год нараджэньня 1 Бр Якуб Баджгань 2005 3 Аб Патрык Ляйтнэр 2002 5 Аб Томаш Яша 2004 6 ПА Ксаўе Аданг 2004 8 Нап Ляік Эсамба 2003 10 Нап Адрыян Капралік 2002 11 ПА Самуэль Гідзі 2004 14 Нап Іў-Эрык Біль 2004 15 Аб Томаш Губачан 1985 16 Нап Патрык Ілька 2001 17 Аб Джэймз Нджэнгу 2003

№ Пазыцыя Імя Год нараджэньня 18 Аб Андрэй Стайчэўскі 2003 20 Аб Крыстыян Бары 2001 21 Аб Тыматэй Граніца 2005 22 Бр Самуэл Бэланік 2003 23 Аб Ян Мінарык (капітан) 1997 24 ПА Самуэл Дзятка 2001 27 Аб Домінік Яварчак 2002 29 Нап Давід Дзюрыш 1999 30 Бр Любамір Бэлка 2002 37 ПА Марыё Саўэр 2004

Вонкавыя спасылкі

• Афіцыйны сайт