Віталь Трубіла
Віталь Трубіла (нар. 7 студзеня 1985 году, Берасьце) — колішні беларускі футбаліст, паўабаронца. У 2011—2014 гадах правёў 16 матчаў за нацыянальную зборную Беларусі.
| Віталь Трубіла | ||
| Пэрсанальная інфармацыя | ||
|---|---|---|
| Нарадзіўся | 7 студзеня 1985[1][2] (39 гадоў) | |
| Рост | 172 см | |
| Вага | 68 кг | |
| Пазыцыя | паўабаронца | |
| Клюбы | ||
| Гады | Клюб | Гульні (галы)¹ |
| 2004—2006 | Дынама Менск | 6 (0) |
| 2005 | → Дарыда | 20 (2) |
| 2006—2009 | Банік Мост[d] | 33 (1) |
| 2009—2012 | Славія Прага | 47 (3) |
| 2009 | → Зьлін | 13 (0) |
| 2010—2011 | → Багэміянс-1905 Прага | 16 (1) |
| 2012—2013 | Дынама Менск | 24 (1) |
| 2014 | Гомель | 5 (0) |
| 2015 | Сокал Саратаў[d] | 12 (0) |
| 2015 | Шахцёр Салігорск | 8 (0) |
| 2016—2017 | Менск | 46 (1) |
| 2018—2020 | Слуцак | 63 (2) |
| Зборныя | ||
| 2005 | Беларусь (да 21) | 2 (0) |
| 2011—2014 | Беларусь | 16 (0) |
Кар’ера
рэдагавацьКлюбная
рэдагавацьВыхаванец берасьцейскага футболу. У 2006—2012 гадах гуляў у Чэхіі. У жніўні 2012 году вярнуўся ў Беларусь, падпісаўшы кантракт зь менскім «Дынама». У менскім клюбе пачаў выступаць на пазыцыі левага абаронцы. Зьяўляўся на полі нерэгулярна, бо шмат часу прапускаў праз траўмы, а таксама прайграў канкурэнцыю за месца ў асноўным складзе Дзьмітру Молашу. У выніку па заканчэньні сэзону 2013 году пакінуў менскі клюб.
У студзені 2014 году падпісаў кантракт з «Гомлем»[3]. Спачатку гуляў на пазыцыі левага абаронцы, але хутка страціў месца ў асноўным складзе. Пазьней, у жніўні 2014 году, быў выстаўлены гомельскім клюбам на трансфэр[4] і перастаў зьяўляцца нават на лаўцы запасных. У сьнежні 2014 году кантракт з «Гомлем» быў скасаваны[5].
У студзені 2015 году некаторы час трэнаваўся зь берасьцейскім «Дынама»[6]. Пазьней прыбыў на прагляд у саратаўскі «Сокал», зь якім у лютым 2015 году падпісаў кантракт[7]. У складзе «Сокала» стаў гульцом асноўнага складу, у 12 матчах зрабіў тры галявыя перадачы[8]. Па заканчэньні сэзону, аднак, не атрымаў прапановы аб падаўжэньні кантракту.
6 ліпеня 2015 году было абвешчана аб пераходзе Трубілы ў салігорскі «Шахцёр»[9]. Аднак Віталь спачатку заставаўся на лаўцы запасных і толькі з кастрычніка замацаваўся ў стартавым складзе на пазыцыі левага абаронцы. У студзені 2016 году падпісаў кантракт з футбольным клюбам «Менск»[10]. У складзе «Менску» замацаваўся ў якасьці асноўнага левага абаронцы. У студзені 2017 году падоўжыў пагадненьне з сталічным клюбам яшчэ на год[11]. У сэзоне 2017 году працягваў выступаць у асноўным складзе менчукоў, толькі ў траўні і з кастрычніка не гуляў праз траўмы. У сьнежні 2017 году пакінуў сталічны клюб[12].
У лютым—сакавіку 2018 году рыхтаваўся да новага сэзону з «Крумкачамі», аднак пасьля ўзьнікненьня ў клюба цяжкасьцяў з атрыманьнем ліцэнзіі на ўдзел у Найвышэйшай лізе ў сакавіку 2018 году далучыўся да «Слуцку», зь якім неўзабаве падпісаў кантракт[13]. Сэзон 2018 году пачынаў на лаўцы запасных, а з траўня замацаваўся ў першай адзінаццатцы. У сьнежні 2018 году падоўжыў кантракт з «Слуцкам»[14]. У сэзоне 2019 году заставаўся гульцом асноўнага складу, толькі ў красавіку і траўні не гуляў з-за траўмы. У сьнежні 2019 году падпісаў новае пагадненьне з клюбам[15]. У сэзоне 2020 году зьяўляўся на полі нерэгулярна. У сьнежні 2020 году пакінуў «Слуцак»[16] і неўзабаве абвесьціў аб завяршэньні кар’еры[17].
Міжнародная
рэдагавацьУ студзені 2005 году выступаў за зборную Беларусі (да 20 гадоў) на турніры ў Досе, але больш да моладзевай каманды не прыцягваўся. У 2011 годзе дэбютаваў за нацыянальную зборную. Галоўны трэнэр Георгі Кандрацьеў пачаў стала выклікаць Трубілу ў зборную, нават не зважаючы на тое што ён ня мог замацавацца ў асноўным складзе менскага «Дынама».
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Шахцёр Салігорск | 2015 | Найвышэйшая ліга | 8 | 0 |
| Менск | 2016 | Найвышэйшая ліга | 28 | 1 |
| 2017 | Найвышэйшая ліга | 18 | 0 | |
| Слуцак | 2018 | Найвышэйшая ліга | 25 | 1 |
Крыніцы
рэдагаваць- ^ а б в Vitali Trubilo // Transfermarkt (мн.) — 2000.
- ^ а б в Vitali Trubila // FBref (мн.)
- ^ Футбол. Виталий Трубило подписал контракт с "Гомелем" (рас.) Архіўная копія ад 2014-03-10 г.
- ^ "Гомель" выставил Романюка и Трубило на трансфер (рас.)
- ^ "Гомель" расторг контракт с Трубило (рас.)
- ^ Трубило тренируется с брестским «Динамо» (рас.)
- ^ Виталий Трубило подписал контракт с "Соколом" (рас.)
- ^ Дело – Труба. Виталий Трубило вернулся в большой футбол (рас.)
- ^ Виталий Трубило подписал контракт с солигорским "Шахтером" (рас.)
- ^ Виталий Трубило подписал контракт с "Минском" (рас.)
- ^ Виталий Трубило продлил контракт с "Минском" (рас.)
- ^ Омельянчук, Чесновский и Трубило покинули «Минск» (рас.)
- ^ Виталий Трубило подписал контракт со "Слуцком" (рас.)
- ^ Не игравший с января 2017 года Бамба вернулся в "Слуцк", восемь игроков продлили контракты с клубом (рас.)
- ^ Виталий Трубило продолжит выступать за "Слуцк" (рас.) Афіцыйны сайт «Слуцка»
- ^ Трубило покинул "Слуцк" (рас.)
- ^ Футбол. Виталий Трубило завершил карьеру (рас.)
Вонкавыя спасылкі
рэдагаваць- Статыстыка «ПБ-Инфо» (рас.)
- Профіль на сайце «Гомелю» (рас.)