Вінцэсь Мудроў

Вінцэ́сь Леані́давіч Мудро́ў (нар. 11 верасьня 1953 году) — беларускі празаік і журналіст.

Вінцэсь Мудроў
Асабістыя зьвесткі
Нарадзіўся	11 верасьня 1953(1953-09-11) (71 год) Полацак, Полацкая вобласьць, БССР, СССР
Літаратурная дзейнасьць
Род дзейнасьці	пісьменьнік і журналіст
Гады творчасьці	з 1992 году
Жанр	проза, эсэ, апавяданьне, аповесьць
Мова	беларуская мова
Дэбют	«Жанчыны ля басэйна» (1992)
Значныя творы	«Гісторыя аднаго злачынства» (1993)
Узнагароды	Залаты апостраф (2010)
Творы на сайце Knihi.com
Вінцэсь Мудроў у Вікісховішчы

Біяграфія

Нарадзіўся ў Полацку ў сям’і вайскоўца. Скончыў Наваполацкі політэхнічны інстытут (цяпер Полацкі дзяржаўны ўнівэрсытэт). Працаваў інжынэрам у Беларусі і ў Сыбіры, карэспандэнтам радыё «Свабода». Сябра Беларускага ПЭН-цэнтру, Саюзу беларускіх пісьменьнікаў і Таварыства вольных літаратараў. Аўтар кніг прозы: «Жанчыны ля басейна» (1992), «Гісторыя аднаго злачынства» (1993), «Зімовыя сны» (1999), «Ператвораныя ў попел» (2005), «Альбом сямейны» (2007), «Багун» (2013). У 1971—1974 гадах выдаваў у Наваполацку падпольны рукапісны літаратурны альманах «Блакітны ліхтар». У 1990-х рэдагаваў літаратурны альманах «Ксэракс Беларускі». Жыве ў Наваполацку.

Вонкавыя спасылкі

• Уладзімір Арлоў. Мудроў Вінцэсь // Дэмакратычная апазыцыя Беларусі (1956—1991). Пэрсанажы і кантэкст. Даведнік. — Менск, 1999.