Вячэрніца гіганцкая

Вячэрніца гіганцкая (Nyctalus lasiopterus) — від рукакрылых сысуноў сямейства вечарнікавых (гладканосых).

Вячэрніца гіганцкая
Клясыфікацыя
Царства	Жывёлы
Тып	Хордавыя
Падтып	Хрыбетныя
Надкляса	Чатырохногія
Кляса	Сысуны
Падкляса	Зьвяры
Інфракляса	Пляцэнтарныя
Атрад	Рукакрылыя
Сямейства	Вечарнікавыя
Род	Вячэрніца (Nyctalus)
Від	Вячэрніца гіганцкая
Бінамінальная намэнклятура
Nyctalus lasiopterus (Schreber, 1780)
Арэал
Арэал
Вячэрніца гіганцкая на Віківідах  Вячэрніца гіганцкая ў Вікісховішчы ITIS 632066 ·

Вонкавы выгляд

Даўжыня цела 84–104 мм, размах крылаў 41–46 см, вага 41–76 г. Верх ад палевага да каштанава-рудага. Ніз трохі святлей сьпіны, вобласьці за вушамі цямней. Крылы вузкія, доўгія, завостраныя. Вушы круглявыя, з скурнымі складкамі.

Распаўсюджваньне

Сустракаецца ў Эўропе і Міжземнамор'і (Азэрбайджан, Беларусь, Баўгарыя, Вугоршчына, Грэцыя, Грузія, Іран, Гішпанія, Італія (укл. Сыцылія) Казахстан, Кіпр, Лібія, Малдова, Манака, Марока, Нямеччына, Партугалія, Паўночная Македонія, Польшча, Расея, Румынія, Славаччына, Славенія, Украіна, Турэччына, Францыя, Харватыя, Чэхія, Швайцарыя).

Лад жыцьця

Nyctalus lasiopterus здабывае ежу ў зьмешаных і лісьцяных лясах і лясістых рачных далінах (апошнія асабліва падчас міграцыі). Сілкуецца вусякамі, але падчас міграцыі ў паўднёвай частцы арэала здабывае шмат дробных вераб'іных. Жыве групамі або невялікімі зграямі, часта разам зь іншымі відамі кажаноў.

Вонкавыя спасылкі

• Alcaldé, J.; Juste, J.; Paunović, M. 2016. Nyctalus lasiopterus. The IUCN  (анг.)