Вяйкэ-Пакры
Вяйкэ-Пакры (па-эстонску: Väike-Pakri) — найбуйнейшы востраў архіпэлягу Пакры ў Эстоніі. Агульная плошча — 13,5 км². Насельніцтва (2017 г.) — 5 чалавек.
| Вяйкэ-Пакры | |
 | |
 | |
| Месца | Балтыйскае мора архіпэляг Пакры |
|---|---|
| Плошча | 13,5 км² |
| Краіна | Эстонія |
| Вобласьць | Lääne-Harju Rural Municipality[d] |
| Насельніцтва (2017) | 5 |
| Каардынаты | 59°20′22″ пн. ш. 23°58′47″ у. д. / 59.33944° пн. ш. 23.97972° у. д.Каардынаты: 59°20′22″ пн. ш. 23°58′47″ у. д. / 59.33944° пн. ш. 23.97972° у. д. |
| Вяйкэ-Пакры на мапе Эстоніі   Вяйкэ-Пакры | |
Геаграфія
рэдагавацьВяйкэ-Пакры знаходзіцца ва ўсходняй частцы Балтыйскага мора за 40 км на паўднёвы захад ад Таліну, сталіцы Эстоніі. На захадзе аддзелены пралівам (каля 530 м) ад другога буйнога востраву Суур-Пакры. На ўсходзе аддзелены залівам Палдыскі (2,7 км) ад гораду Палдыскі.
Асновай вострава зьяўляецца вапняковае плато, што ўзвышаецца да 17 м над узроўнем мора. Астатнія часткі складзены асадкавымі пародамі. На поўначы вылучаецца тарфяное балота (болей за 10 га). На поўдні месьцяцца 2 невялікіх возеры. Славутасьць Вяйкэ-Пакры — валун вышынёй 4,5 м і ў акружнасьць 21,1 м.
Прырода
рэдагавацьТраціна вострава Вяйкэ-Пакры пакрытая шырокалісьцевым лесам, астатняя частка — лугамі і балотам. Характэрныя расьліны: бяроза пушыстая, асіна, ядловец звычайны, вольха шэрая, сьветлыя парэчкі, мякатніца адналістая і г. д. Жывёльны сьвет прадстаўлены такімі відамі, як гальштучнік, скапа, жаўна, лебедзь-клікун, малая крачка і інш.
Гісторыя
рэдагавацьПершая пісьмовая згадка пра астравы Пакры зьявілася ў 1283 годзе, калі Эрык V перадаў іх у маёмасьць манахам-цыстэрцыянцам. У 1628 годзе Вяйкэ-Пакры перайшоў у валоданьне рыскага немца Томаса фон Рама. Да 1940 году асноўнае насельніцтва складалі швэды і немцы, якія займаліся рыбалоўствам і жывёлагадоўляй.
Пасьля савецкай акупацыі Эстоніі востраў быў перададзены ў армейскія патрэбы. Тут існаваў ваенны гарадок, тэрыторыя вострава выкарыстоўвалася ў якасьці палігону.
У 1996 году разам зь іншымі астравамі Пакры быў перададзены ўладам незалежнай Эстоніі. З 1998 году ўваходзіць у склад ляндшафтнага запаведніку. На Вяйкэ-Пакры вядзецца абмежаваная эканамічная дзейнасьць, сюды наведваюцца турысты.