Арцюр Рэмбо
Арцю́р Рэмбо́ (па-француску: Jean Nicolas Arthur Rimbaud; 20 кастрычніка, 1854, Шарлявіль — 10 лістапада 1891, Марсэль) — францускі паэт, які аказаў выключны ўплыў на паэзыю сымбалізму і лічыцца адным з пачынальнікаў сюррэалізму.
| Арцюр Рэмбо | |
| франц. Arthur Rimbaud | |
![Арцюр Рэмбо ў 17 год, фатаздымак Эцьена Каржа «верагодна зроблены ў сьнежні 1871[1]»](/wiki/%D0%A4%D0%B0%D0%B9%D0%BB:Carjat_Arthur_Rimbaud_1872_n2.jpg) Арцюр Рэмбо ў 17 год, фатаздымак Эцьена Каржа «верагодна зроблены ў сьнежні 1871[1]» | |
| Асабістыя зьвесткі | |
|---|---|
| Імя пры нараджэньні | Жан Нікаля Арцюр Рэмбо (Jean Nicolas Arthur Rimbaud) |
| Нарадзіўся | 20 кастрычніка 1854 Шарлявіль, Францыя |
| Памёр | 10 лістапада 1891 (37 гадоў) Марсэль, Францыя |
| Пахаваны | |
| Бацькі | Frédéric Rimbaud[d] Vitalie Rimbaud[d][2][2] |
| Літаратурная дзейнасьць | |
| Род дзейнасьці | паэт |
| Гады творчасьці | 1869—1873 |
| Кірунак | сымбалізм |
| Мова | француская мова[3] |
| Узнагароды | |
| Подпіс | 
|
 Творы ў Вікікрыніцах
| |
Біяграфічныя звесткіРэдагаваць
Нарадзіўся ў Шарлявілі ў Ардэнах — дэпартамэнце ў паўночна-ўсходняй Францыі. У 16 пачаў пісаць вершы. Шмат разоў уцякаў з дому, вёў разбэшчанае жыцьцё. Некаторы час жыў у Парыжы з Полем Вэрленам, зь якім меў любоўную афэру (яны былі ў гомасэксуальнай сувязі).
У Парыжы Рэмбо бярэ ўдзел у паўстаньні Парыскай камуны. У 1872 Поль Вэрлен кідае сям’ю і зьязджае з Рэмбо ў Лёндан. Некаторы час жывучы там, яны падарожнічаюць па Эўропе і растаюцца ў Брусэлі, пасьля таго, як Вэрлен пад узьдзеяньнем абсэнту страляе ў Рэмбо зь пісталета. Пасьля растаньня з Вэрленам Рэмбо вяртаецца дамоў.
Ён перастае пісаць і падарожнічае па сьвеце да 1880 году. Затым у Афрыцы (у Эгіпце і Этыёпіі), а таксама ў Емэне ён займаецца гандлем кавай, скуры і зброі.
У лютым 1891 году Рэмбо вяртаецца ў Францыю, дзе яму ампутуюць нагу з-за ракавай пухліны. Рэмбо памірае ў Марсэлі, у шпіталі, 10 лістапада 1891 году. Пахаваны ў Шарлэвілі.
БібліяграфіяРэдагаваць
- П’яны карабель / Le bateau ivre (1871)
- Лета ў апраметнай / Une Saison en Enfer (1873)
- Азарэньні / Les illuminations (1874)
Беларускія перакладыРэдагаваць
На беларускую мову асобныя вершы Рэмбо перакладалі Р. Барадулін, А. Мінкін, Я. Семяжон, М. Федзюковіч.
- «Выбранае» / Перакл. А. Хадановіча. Мн., 2018. («Паэты плянэты»).
КрыніцыРэдагаваць
- ^ Robb, Graham. (2000). Rimbaud. New York: W.W. Norton & Co. С. 140
- ^ а б Deutsche Nationalbibliothek Record #118601032 // Gemeinsame Normdatei (ням.) — 2012—2016.
- ^ Нацыянальная служба Чэскай рэспублікі
Вонкавыя спасылкіРэдагаваць
Арцюр Рэмбо — сховішча мультымэдыйных матэрыялаў
- Профіль на Прайдзісвеце
- Мацней за алкаголь, грамчэй ад вашых лір!..
- Верш Арцюра Рэмбо «Баль шыбенікаў» у перакладзе Андрэя Хадановіча
- Парыская оргія
- Верш Арцюра Рэмбо «П’яны карабель» у перакладзе М. Інфоліякрата
- Верш «Той, хто спіць у лагу» ў перакладзе С. Ліхадзіеўскага
- THE QUIET LIFE A collection of photos and drawings of Arthur RİMBAUD Edited by Beyaz Arif AKBAS Yalnizgoz BOOKS/Edirne 2011 USA ISBN 9781468018011