Анджэй Струміла
А́нджэй Струмі́ла (па-польску: Andrzej Strumiłło; 23 кастрычніка 1927[1], Вільня[2] — 9 красавіка 2020, Сувалкі[3]) — польскі маляр беларускага паходжаньня, графік, скульптар, фатограф, паэт, пісьменьнік, сцэнограф. Ляўрэат залатога мэдалю «За заслугі ў культуры Глёрыя Артыс»[4].
Анджэй Струміла | |
 Анджэй Струміла (2013) | |
| Дата нараджэньня | 23 кастрычніка 1927 |
|---|---|
| Месца нараджэньня | Вільня |
| Дата сьмерці | 9 красавіка 2020 (92 гады) |
| Месца сьмерці | Сувалкі |
| Месца пахаваньня | |
| Месца вучобы | |
| Занятак | малярства, графіка, фатаграфія, паэзія, скульптура, сцэнаграфія |
| Месца працы | |
| Сябра ў | Саюз польскіх мастацкіх фатографаў[d] |
| Узнагароды | 
|
- Вікіпэдыя мае артыкулы пра іншых асобаў з прозьвішчам Струміла (неадназначнасьць).
Жыцьцяпіс
рэдагавацьДзяцінства правёў у родным засьценку маці — Суданах пад Сьвянцянамі[5]. Да II сусьветнай вайны быў міністрантам у касьцёле сьвятых Пятра і Паўла на Антокалі. Навучаўся ў Дзяржаўнай вышэйшай школе плястычных мастатцваў у Лодзі, а ў 1950 року атрымаў дыплём выпускніка Акадэміі прыгожых мастацтваў у Кракаве.
У 1949—1953 працаваў асыстэнтам у абодвух вучэльнях. З 1956 року праектаваў выставачныя павільёны для Польскай гандлёвай палаты.
У 1977—1980 — кантрактны прафэсар кракаўскай АПМ, у 1987—1988 — выкладчык сувалкаўскай філіі Акадэміі каталіцкай тэалёгіі. У 1982—1984 займаў пасаду кіраўніка графічнай майстэрні пры сакратарыяце Арганізацыі Аб’яднаных Нацыяў у Нью-Ёрку. Вярнуўшыся ў Польшчу, пасяліўся на Чорнай Ганчы, «каб быць бліжэй да Вільні»[1][5].
Творчасьць
рэдагавацьВыдаў два зборнікі паэзіі: Moje і Jak. У 2008 року выйшаў збор артыкулаў і ілюстрацыяў Factum est (па-лацінску: Стала так), а ў 2009 — «Ja. Poezje wybrane». Разам з Чэславам Мілашам і Томасам Вэнцлавам быў ініцыятарам выданьня «Кнігі Вялікага Княства Літоўскага» — зборніку эсэ беларускіх, летувіскіх і польскіх аўтараў.
У 2008 року ў Сувалках адкрылася галерэя мастака, дзе выстаўленыя карціны, скульптуры, фатаздымкі і рысункі Анджэя Струмілы[6][7].
Узнагароды
рэдагаваць- Прэмія Міністэрства культуры і мастацтва II ступені (1969)
- Дзяржаўная прэмія II ступені (1974)
Крыніцы
рэдагаваць- ^ а б «Znad East River nad Czarną Hańczę» — artykuł w GAZECIE Dzienniku Polonii w Kanadzie (пол.)
- ^ Notatka w portalu FilmPolski.pl (пол.)
- ^ У Польшчы памёр вядомы мастак Анджэй Струміла, які называў Беларусь сваёй Бацькаўшчына Людзі. Радыё «Свабода» (9 красавіка 2020). Праверана 9 красавіка 2020 г.
- ^ Andrzej Strumiłło (пол.). UM Suwałki. Архіўная копія ад 2013-05-04 г.
- ^ а б Wywiad przeprowadzony przez National Geographic (пол.)
- ^ Centrum Sztuki Współczesnej — Galeria Andrzeja Strumiłły w Suwałkach (пол.)
- ^ Powstało Centrum Sztuki Współczesnej – Galeria Andrzeja Strumiłły. wp.pl (2008-12-23).
Вонкавыя спасылкі
рэдагаваць
Анджэй Струміла — сховішча мультымэдыйных матэрыялаў