Алешчаняты
Алешчаня́ты[1] (таксама сустракаецца — Алешчыня́ты[1]) — вёска ў Валожынскім раёне Менскай вобласьці. Уваходзіць у склад Гародзькаўскага сельсавету.
| Алешчаняты | |
| трансьліт. Alieščaniaty | |
| Краіна: | Беларусь |
| Вобласьць: | Менская |
| Раён: | Валожынскі |
| Сельсавет: | Гародзькаўскі |
| Насельніцтва: |
|
| Часавы пас: | UTC+3 |
| Тэлефонны код: | +375 1772 |
| СААТА: | 6220820003 |
| Нумарны знак: | 5 |
| Геаграфічныя каардынаты: | 54°8′32″ пн. ш. 26°21′50″ у. д. / 54.14222° пн. ш. 26.36389° у. д.Каардынаты: 54°8′32″ пн. ш. 26°21′50″ у. д. / 54.14222° пн. ш. 26.36389° у. д. |
Алешчаняты на мапе Беларусі ±   Алешчаняты | |
Геаграфія рэдагаваць
Рэльеф раўнінна-ўзгорысты, на поўначы цячэ рака Заходняя Бярэзіна (прыток Нёману). Транспартныя сувязі па мясцовай дарозе праз вёскі Роўкавічы, Куцяняты і далей па шашы Валожын — Гародзькі.
Пляніровачна складаецца з прамалінейнай вуліцы, арыентаванай з паўднёвага захаду на паўночны ўсход уздоўж ракі і забудаванай аднабакова, шчыльна, традыцыйнымі драўлянымі дамамі сядзібнага тыпу.
Гісторыя рэдагаваць
У 1897 годзе вёска, 14 двароў, у Вішнеўскай воласьці Ашмянскага павету Віленскай губэрні. З 1921 году ў складзе Польшчы, 17 двароў. З лістапада 1939 году ў складзе БССР. У Вялікую Айчынную вайну з канца чэрвеня 1941 году да 5 ліпеня 1944 году пад нямецкай акупацыяй.
У 1950 годзе створаны калгас, потым у складзе калгасу «Перамога» (цэнтар — в. Філіпіняты). Вёска знаходзілася ў Забрэскім сельсавеце Валожынскага раёну Маладэчанскай.
З 20 студзеня 1960 году ў Менскай вобласьці, з 25 сьнежня 1962 году ў Маладзечанскім, з 6 студзеня 1965 году ў Валожынскім раёнах. 12 лістапада 1966 году да вёскі далучана в. Ясянішкі. Да 30 кастрычніка 2009 году вёска ўваходзіла ў склад Забрэскага сельсавету[2].
Насельніцтва рэдагаваць
- 1897 — 94 чалавек
- 1904 — 97 чалавек
- 1908 — 88 чалавек
- 1921 — 82 чалавек
- 1959 — 71 чалавек
- 1994 — 26 чалавек
- 2009 — 15 чалавек[3]
Крыніцы рэдагаваць
- ^ а б Назвы населеных пунктаў Рэспублікі Беларусь: Мінская вобласць: нарматыўны даведнік / І. А. Гапоненка, І. Л. Капылоў, В. П. Лемцюгова і інш.; пад рэд. В. П. Лемцюговай. — Мн.: Тэхналогія, 2003. — 604 с. ISBN 985-458-054-7. (djvu)
- ^ «Об изменении административно-территориального устройства Минской области». Решение Минского областного Совета депутатов от 30 октября 2009 г. № 219 (рас.)
- ^ Статыстыка перапісу 2009 году