Алег Гарошка
Алег Гарошка (нар. 19 лістапада 1989 году, Горадня, БССР) — беларускі хакеіст, абаронца менскага клюбу «Дынама», які гуляе ў КХЛ.
| Алег Гарошка | ||
|---|---|---|
.JPG) | ||
| Рост | 178 см | |
| Вага | 76 кг | |
| Пазыцыя | абаронца | |
| Кідок/Ловы | правы | |
| Грамадзянства | ||
| Дата нараджэньня | 19 лістапада 1989 (33 гады) | |
| Месца нараджэньня | Горадня, БССР | |
| Клюб | Дынама Менск | |
| Выступаў за | Дынама-Шыньнік Нёман | |
| Нацыянальная зборная | .svg){kind=small} Беларусь
| |
| Гульнявая кар’ера | 2008 — цяпер | |
- Вікіпэдыя мае артыкулы пра іншых асобаў з прозьвішчам Гарошка.
Кар’ераРэдагаваць
КлюбнаяРэдагаваць
Алег Гарошка пачаў сваю прафэсійную кар’еру ў 2008 годзе ў складзе бабруйскага «Дынама-Шыньніку», выступаючы да гэтага за фарм-клюб «Гомелю». У сваім дэбютным сэзоне Алег правёў на пляцоўцы 43 матчы, набраўшы 8 (1+7) пунктаў, пасьля чаго ён атрымаў прапанову ад роднага гарадзенскага «Нёману». У складзе роднага клюбу Гарошка выступаў на працягу двух сэзонаў, стаўшы ў сэзоне 2010—2011 гадоў срэбным прызэрам чэмпіянату Беларусі.
20 ліпеня 2011 году Алег, нягледзячы на шматлікія праблемы[1], падпісаў пробны кантракт тэрмінам на паўтара месяца зь менскім «Дынама»[2]. 5 верасьня кіраўніцтва менскага клюбу прыняло рашэньне падоўжыць пагадненьне з Гарошкам на адзін сэзон[3]. 12 верасьня ў матчы супраць омскага «Авангарду» Алег дэбютаваў у Кантынэнтальнай хакейнай лізе, а ўжо 2 лістапада набраў свой першы пункт у КХЛ, зрабіўшы дзейсную перадачу ў гульні супраць маскоўскага «Спартаку».
МіжнароднаяРэдагаваць
Разам са зборнай Беларусі Гарошка прымаў удзел у чэмпіянаце сьвету 2011 году, на якім зборная краіны стала толькі чатырнаццатай, а сам Алег набраў 1 (0+1) пункт у 6 праведзеных матчах.
КрыніцыРэдагаваць
- ^ Алексей Торбин: «Стоимость Горошко — 30—40 тысяч долларов. Ни 100, ни 150, ни 175 тысяч мы платить не намерены». sports.ru
- ^ Олег Горошко подписал просмотровый контракт с «Динамо-Минск». Афіцыйны сайт ХК «Дынама»
- ^ Олег Горошко стал игроком «Динамо-Минск». Афіцыйны сайт ХК «Дынама»
Вонкавыя спасылкіРэдагаваць
Алег Гарошка — сховішча мультымэдыйных матэрыялаў
- Старонка на афіцыйным сайце КХЛ