Ігар Зюлеў
Ігар Зюлеў (нар. 5 студзеня 1984 году) — колішні беларускі футбаліст, абаронца.
| Ігар Зюлеў | ||
| Пэрсанальная інфармацыя | ||
|---|---|---|
| Нарадзіўся | 5 студзеня 1984[1] (40 гадоў) | |
| Рост | 171 см | |
| Вага | 69 кг | |
| Пазыцыя | паўабаронца | |
| Клюбы | ||
| Гады | Клюб | Гульні (галы)¹ |
| 2002—2006 | Камунальнік[d] | 127 (29) |
| 2007 | Смаргонь | 13 (3) |
| 2007—2009 | Шахцёр Салігорск | 33 (8) |
| 2009—2016 | Нафтан | 197 (14) |
| 2017—2018 | Іслач | 44 (1) |
Кар’ера
рэдагавацьВыхаванец менскай школы «Алімпія». Пачаў прафэсійную кар’еру ў 2002 годзе ў складзе слонімскага «Камунальніка», дзе выступаў на пазыцыі нападніка. Пазьней гуляў за «Смаргонь» і «Шахцёр». У ліпені 2009 году перайшоў у наваполацкі «Нафтан». У сэзоне 2012 году звычайна гуляў на пазыцыі флянгавага абаронцы. Сэзон 2013 году праз адсутнасьць у камандзе правага абаронцы пачынаў на гэтай пазыцыі, але пасьля прыходу ў клюб Ігара Бурака стаў звычайна выкарыстоўвацца на флянгу паўабароны.
У сэзоне 2014 году, пасьля зыходу з каманды Бурака, замацаваўся ў якасьці асноўнага правага абаронцы каманды. У лютым 2015 году на год падоўжыў кантракт з «Нафтанам»[2]. Сэзон 2015 году пачаў на пазыцыі правага абаронцы, а пасьля прыходу ўлетку ў каманду Сяргея Карповіча перайшоў на месца правага паўабаронцы. У студзені 2016 году, не зважаючы на фінансавыя цяжкасьці «Нафтану»[3], падоўжыў кантракт і на наступны сэзон[4]. У сэзоне 2016 году быў асноўным правым паўабаронцам навапалачанаў.
З студзеня 2017 году трэнаваўся зь «Іслаччу», зь якой у лютым падпісаў кантракт[5]. Замацаваўся ў стартавым складзе «Іслачы», выступаў на пазыцыі левага абаронцы або паўабаронцы. У канцы 2018 году стала вядома, што Зюлеў завяршае кар’еру футбаліста. Свой апошні матч згуляў 2 сьнежня 2018 году ў матчы апошняга туру супраць магілёўскага «Дняпра» (3:2), правёўшы на полі ўсе 90 хвілінаў у якасьці капітана.
Трэнэрская
рэдагавацьПасьля завяршэньня кар’еры застаўся працаваць у структуры «Іслачы»[6]. У студзені 2019 году стаў памочнікам галоўнага трэнэра Віталя Жукоўскага[7]. У лютым 2020 году перайшоў на працу ў юнацкую каманду клюбу[8].
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Нафтан | 2015 | Найвышэйшая ліга | 23 | 2 |
| 2016 | Найвышэйшая ліга | 28 | 4 | |
| Іслач | 2017 | Найвышэйшая ліга | 22 | 0 |
| 2018 | Найвышэйшая ліга | 22 | 1 | |
Крыніцы
рэдагаваць- ^ а б в Igor Zyulev // Transfermarkt (мн.) — 2000.
- ^ Гунчак, Зюлев, Сучков, Хотов, Шкабара и Демидович продлили соглашения с "Нафтаном" (рас.)
- ^ Шкабара, Сучков и еще три футболиста, скорее всего, покинут «Нафтан» (рас.)
- ^ Зюлев и Сучков продлили контракты к "Нафтаном" (рас.)
- ^ Зюлев подписал контракт с «Ислочью» (рас.)
- ^ Зюлев завершил карьеру футболиста и остается работать в структуре "Ислочи" (рас.)
- ^ Зюлев вошел в тренерский штаб "Ислочи" (рас.)
- ^ Игорь Зюлев возглавил юношескую команду «Ислочи» (рас.) Афіцыйны сайт «Іслачы»
Вонкавыя спасылкі
рэдагаваць- Профіль на сайце «Нафтану»(недаступная спасылка) (рас.)
- Статыстыка «ПБ-Инфо» (рас.)