Іван Жосткін
Іван Жосткін (нарадзіўся 8 траўня 1991 году) — беларускі футбаліст, паўабаронца гомельскага «Лякаматыва».
| Іван Жосткін | ||
| Пэрсанальная інфармацыя | ||
|---|---|---|
| Нарадзіўся | 8 траўня 1991[1] (33 гады) | |
| Рост | 178 см | |
| Вага | 72 кг | |
| Пазыцыя | паўабаронца | |
| Клюбная інфармацыя | ||
| Клюб | Лякаматыў Гомель | |
| Нумар | 8 | |
| Клюбы | ||
| Гады | Клюб | Гульні (галы)¹ |
| 2008—2011 | Гомель | 0 (0) |
| 2011 | → ДБК-Гомель[d] | 25 (0) |
| 2012 | Хімік | 26 (0) |
| 2013 | Рэчыца-2014 | 22 (0) |
| 2014—2016 | Лякаматыў Гомель | 65 (6) |
| 2016 | Белшына | 13 (0) |
| 2017—2020 | Гомель | 84 (6) |
| 2021 | Дняпро Магілёў | 23 (0) |
| 2022— | Лякаматыў Гомель | 84 (14) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера
рэдагавацьВыхаванец гомельскага футболу. З 2008 году пачаў выступаць за дубль «Гомля». Паводле вынікаў сэзону 2009 году «Гомель» страціў месца ў Найвышэйшай лізе і магчымасьць выстаўляць каманду ў турнір дублёраў, таму Іван далучыўся да фарм-клюбу «Гомель-2», які спаборнічаў у Другой лізе. Сэзон 2011 году правёў у арэндзе ў першалігавым ДБК, пасьля чаго, пакінуўшы «Гомель», выступаў за першалігавыя «Хімік» і «Ведрыч-97».
У 2014 годзе перайшоў у «Гомельчыгункатранс», дзе быў адным з асноўных гульцоў дружыны. Дапамог камандзе пасьпяхова распачаць сэзон 2016 году, калі яна апынулася сярод лідэраў Першай лігі. У ліпені 2016 году поруч з аднаклюбнікам Кірылам Шрэйтарам далучыўся да бабруйскай «Белшыны», у складзе якой 31 ліпеня дэбютаваў у Найвышэйшай лізе, выйшаўшы на замену ў другім тайме матча супраць «Крумкачоў» (1:2). У далейшым замацаваўся ў першай адзінаццатцы бабруйчанаў, але ня здолеў выратаваць каманду ад вылету ў Першую лігу.
У студзені 2017 году прыбыў на прагляд у «Гомель», зь якім у выніку пагадніўся наконт працоўнай дамовы[2]. Пачынаў сэзон у стартавым складзе на пазыцыі правага паўабаронцы, але ў другой палове сэзону страціў месца ў складзе. У лютым 2018 году падоўжыў кантракт з гамельчукамі[3]. У сэзоне 2018 году ўсьцяж зьяўляўся на полі, часьцей выходзячы на замену. У сьнежні 2018 году падоўжыў пагадненьне з гомельскім клюбам на наступны сэзон[4]. Сэзон 2019 году пачынаў гульцом запасу, аднак хутка вярнуў месца ў пачатковым складзе. У сьнежні 2019 году падоўжыў кантракт з «Гомлем»[5]. У сэзоне 2020 году дапамог «Гомлю» вярнуцца ў Найвышэйшую лігу, дзе пачынаў сэзон у якасьці гульца асноўнага складу, пазьней пачаў пераважна выходзіць на замену. У студзені 2021 году па заканчэньні кантракту зышоў з гомельскага клюбу[6].
У студзені 2021 году пачаў трэнавацца з магілёўскім «Дняпром» і ў лютым падпісаў зь ім кантракт[7]. Пачынаў сэзон у стартавым складзе магілёўцаў, але пазьней часам выходзіціў замену ці навогул заставаўся на лаўцы рэзэрвовых. У студзені 2022 году пакінуў «Дняпро»[8], пасьля чаго некаторы час рыхтаваўся з «Гомлем», але неўзабаве быў аб’яўлены гульцом гомельскага «Лякаматыву»[9], дзе замацаваўся ў якасьці гульца першай адзінаццатцы, стаўшы капітанам каманды. У студзені 2023 году падоўжыў кантракт з гомельскім клюбам[10]. У студзені 2024 году зноў падоўжыў пагадненьне зь «Лякаматывам»[11].
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Гомельчыгункатранс | 2016 | Першая ліга | 12 | 2 |
| Белшына | Найвышэйшая ліга | 13 | 0 | |
| Гомель | 2017 | Найвышэйшая ліга | 17 | 2 |
| 2018 | Найвышэйшая ліга | 26 | 1 | |
Крыніцы
рэдагаваць- ^ а б в Ivan Zhestkin // Transfermarkt (мн.) — 2000.
- ^ Иван Жесткин стал футболистом "Гомеля" (рас.)
- ^ "Гомель" продлил контракты с Жесткиным и Рожковым (рас.)
- ^ "Гомель" продлил соглашения с Рожковым, Жесткиным и Терещенко (рас.)
- ^ "Гомель" продлил соглашение с Жесткиным (рас.)
- ^ "Гомель" расстался с Жесткиным (рас.)
- ^ Терещенко, Бордуков и Жесткин подписали контракты с "Днепром-Могилев" (рас.)
- ^ Чмыриков и Жесткин расстались с "Днепром", Гусев продлил контракт (рас.)
- ^ Первая лига все-таки без "Крумкачоў", "Волна" без лучшего бомбардира, усиление "Локо" (рас.)
- ^ "Локомотив" продлил пятерых и расстался с двумя игроками (рас.)
- ^ Капитан гомельского "Локомотива" продлил контракт (рас.)
Вонкавыя спасылкі
рэдагаваць- Статыстыка «ПБ-Инфо» (рас.)