Вязавыя

(Перанакіравана з «Ulmaceae»)

Вязавыя альбо Ільмы (па-лацінску: Ulmaceae) Mirb.(fr)сямейства кветкавых расьлінаў, якое зьмяшчае 8 родаў і каля 64 відаў.[1]

Вязавыя
Blismes elm 2007.jpg
Ulmus minor — беларускі від
Клясыфікацыя
Надцарства Эўкарыёты (Eukaryota)
Царства Расьліны (Plantae)
Аддзел Кветкавыя (Angiosperms)
Кляса Двухдольныя (Eudicots)
Атрад Ружакветныя (Rosales)
Сямейства Вязавыя
Даччыныя таксоны
Бінамінальная намэнклятура
Ulmaceae Mirb.
Арэал
Ulmaceae Distribution.svg
ITIS 19038 ·

ЭтымалёгіяРэдагаваць

Паходзіць ад назвы роду Ulmus — назва вяза ў старажытных рымскіх аўтараў ад кельтскай мовы, elm, olme — вяз.

АпісаньнеРэдагаваць

Прадстаўнікі гэтага сямейства — дрэвы або хмызьнякі, лісьцеападныя альбо вечназялёныя. Лісьце чарговае альбо рэдка супратыўнае, простае, суцэльнае альбо дробна зубчастае, прылісткі прысутныя. Кветкі аднаполыя, аднадомныя ці двухполыя, адзінкавыя ці ў пучках, распускаюцца звычайна рана ўвесну да распусканьня лісьця, радзей увосень. Калякветнік просты, званочкавы ці лейкападобны, 4-часам 5–6 – больш-менш глыбока лопасьцевы. Тычачак столькі ж, як і доляй калякветніка, ці ўдвая больш. Слупок з 2 пладалісьцікаў; завязь верхняя аднагняздовая, з 1 семязавязьзю, радзей 2-гняздовая з 2. Лычыкаў 2. Плод – аднанасенны арэшак, часта крылаты, ці касьцяніца.[2][3][4].

СістэматыкаРэдагаваць

Сям‘я налічвае 8 родаў і звыш 64 відаў, пашыраных у абодвух паўшар'ях. У Беларусі 1 (Ulmus) род і 4 віды.[5]

  1. Abelicea — 3 віды.[6]
  2. Ampelocera Klotzsch(de). — 14 відаў.
  3. Hemiptelea Planch(fr). — манатыпны род.
  4. Holoptelea Planch(fr). — 2 віды.
  5. Phyllostylon Benth(en). — манатыпны род.
  6. Planera Gmel(de). — манатыпны род.
  7. Ulmus L. — каля 30 відаў бераст, вяз, ільм.
  8. Zelkowa Spach(fr). — 6 відаў дзелька.

АрэалРэдагаваць

Чальцы сям'я шырока распаўсюджаны па паўночным умераным поясе й распаўсюджаны ў іншых месцах, за выключэньнем Аўстралазіі.[2][3][4]

Роды Aphananthe, Celtis, Pteroceltis і Trema, якія раней часам адносілі да Ulmaceae, цяпер адносяць да Cannabaceae.

КрыніцыРэдагаваць

  1. ^ Ulmaceae . A workinglist of all plants species.(анг.)
  2. ^ а б Stevens, P.F. Angiosperm Phylogeny Website Праверана 22.09.2020 г. (анг.)
  3. ^ а б Flora of North America. efloras.org. Праверана 22.09.2020 г. (анг.)
  4. ^ а б Kew Science Plants of the World Online Праверана 22.09.2020 г. (анг.)
  5. ^ Ulmaceae . A workinglist of all plants species. (анг.)
  6. ^ Abelicea A workinglist of all plants species.(анг.)

ЛітаратураРэдагаваць

Вонкавыя спасылкіРэдагаваць

  •   Вязавыясховішча мультымэдыйных матэрыялаў
  • Ulmaceae . A workinglist of all plants species.
  • Ulmus A workinglist of all plants species.