Onliner.by
«Анла́йнэр» — пераважна расейскамоўнае інтэрнэт-выданьне Беларусі пра лічбавыя тэхналёгіі, заснаване ў лютым 2001 году.
| «Анлайнэр» | |
 | |
| Тып | інтэрнэт-партал |
|---|---|
| Даступныя мовы | расейская і беларуская |
| Уладальнік | ТАА «Анлайнэр» |
| Аўтар | Аляксандар Стэльмах |
| Пачатак працы | 14 лютага 2001 (23 гады таму) |
| Камэрцыйны? | так |
| Рэгістрацыя | неабавязковая |
| Рэйтынг Alexa |  5 (у Беларусі)
|
| onliner.by | |
На 2021 год кіраўніком быў Дзяніс Кажура, а галоўным рэдактарам — Мікалай Казловіч. Рэдакцыя месьцілася ў Маскоўскім раёне Менску па праспэкце Дзяржынскага, д. 5[1]. Фотарэдакцыю ўзначальваў Уладзь Барысевіч. Таксама працавала 6 аддзелаў: 1) «Аўта» пра становішча на дарогах, ровары, каршэрынг і дарожныя здарэньні — рэдактар Андрэй Гамыляеў, 2) «Відэа» — кіраўнік Аляксей Носаў, 3) «Гаманец» пра банкі, грошы і ўклады, 4) «Людзі» пра грамадзкія справы і здарэньні — рэдактар Аляксандар Уладыка, 5) «Нерухомасьць» пра гарадзкія навіны, надзвычайныя здарэньні і сутыкненьні — рэдактар Зьміцер Мелехавец, 6) «Тэхналёгіі» пра сотавую сувязь, Сеціва і электроніку — рэдактар Канстанцін Сідаровіч[2]. Выданьне ўлучала каталёг спажывецкіх тавараў Беларусі, навіновы партал, аўтабарахолку, партал абвестак арэнды і продажу нерухомасьці, партал выкананьня і заказу паслугаў, барахолку спажывецкіх тавараў, форум і партал карткі «Клевер» ад «Менскага транзытнага банку».
Мінуўшчына
рэдагавацьНа 2013 год «Анлайнэр» зьмяшчаў стужку навінаў у рубрыках «Людзі», «Аўта», «Тэхналёгіі», «Нерухомасьць», каталёг мадэляў лічбавых прыладаў, электроннай тэхнікі з коштамі ды апісаньнем, а таксама барахолку, форумы, «чорны сьпіс» скрадзенных тэлефонаў і інш. Паводле стану на ліпень 2013 году займае 8-ую пазыцыю ў беларускім ТОПе сайтаў паводле папулярнасьці[3].
У траўні 2013 году Onliner.by абвясьціў пра запуск адмысловага рэгіянальнага аддзелу для Гомельскае вобласьці са сваёй рэдакцыяй, каталёгам і барахолкай.[4]. Адзіная расцэнка сотавай сувязі «МТС» безь перадаплаты ўлучае неабмежаваны паводле трафіку доступ да бачыны й носіць адпаведны назоў.
Падчас асьвятлення пратэстаў у Беларусі 17 кастрычніка 2020 году была затрымана журналістка Дар’я Спявак. 19 кастрычніка 2020 году суд Кастрычніцкага раёну Менску (судзьдзя — Алена Жывіца) прысудзіў ёй 15 сутак адміністрацыйнага арышту паводле 23.34 КоАП Беларусі[5]. 12 ліпеня 2021 году партал паведаміў пра адключэньне камэнтаў на сайце дзеля большай бясьпекі для супрацоўнікаў рэдакцыі й чытачоў[6].
Крыніцы
рэдагаваць- ^ Пра сайт (рас.) // «Анлайнэр», 2021 г. Праверана 15 ліпеня 2021 г.
- ^ Як хутка зьвязацца з рэдакцыяй (рас.) // «Анлайнэр», 2021 г. Праверана 15 ліпеня 2021 г.
- ^ GemiusAudience: ТОП 20 сайтов в Беларуси за июль 2013 года
- ^ Onliner объявил о запуске гомельского отделения(недаступная спасылка)
- ^ Фотакор Яна Трусіла атрымала 13 сутак за сваю прафесійную дзейнасць (бел.). Новы час (2020-11-02). Праверана 2021-01-25 г.
- ^ Onliner.by адключыў каментары на сайце, бо баіцца за чытачоў і за сябе. Белсат (2021-07-12). Праверана 2021-07-13 г.