Яўген Мінянкоў
Яўген Мінянкоў (нарадзіўся 11 красавіка 1988 году) — беларускі футбаліст, абаронца ігуменскага «Коласа».
| Яўген Мінянкоў | ||
| Пэрсанальная інфармацыя | ||
|---|---|---|
| Нарадзіўся | 11 красавіка 1988[1] (36 гадоў) | |
| Рост | 186 см | |
| Вага | 78 кг | |
| Пазыцыя | абаронца | |
| Клюбная інфармацыя | ||
| Клюб | Колас Ігумен[d] | |
| Нумар | 67 | |
| Клюбы | ||
| Гады | Клюб | Гульні (галы)¹ |
| 2008 | Дарыда | 19 (0) |
| 2009—2011 | Рудзенск[d] | 44 (1) |
| 2012—2014 | Смалявічы | 70 (3) |
| 2014—2015 | Славія Мазыр | 14 (0) |
| 2016 | Слонім-2017 | 20 (1) |
| 2017 | Ворша | 18 (0) |
| 2021 | Крупкі ДРБУ-164[d] | 11 (1) |
| 2022 | Колас Ігумен[d] | 0 (0) |
| 2024— | Колас Ігумен[d] | 2 (0) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера
рэдагавацьПачынаў кар’еру ў дублі барысаўскага БАТЭ, а пазьней гуляў за «Дарыду». У складзе гэтага клюбу дэбютаваў у Найвышэйшай лізе ў сэзоне 2008 году. Па заканчэньні сэзону «Дарыда» спыніла існаваньне, і Яўген выправіўся ў каманду Другой лігі «Рудзенск», якой дапамог у першым жа сэзоне перамагчы ў Другой лізе. У 2010—2011 гадах выступаў за «Рудзенск» у Першай лізе, але ня меў трывалага месца ў асноўным складзе.
У 2012 годзе далучыўся да складу клюбу «Смалявічы-СТІ», які ачольваў вядомы беларусі спэцыяліст Юры Пунтус. У смалявіцкім клюбе быў трывалым гульцом першай каманды. Дапамог «Смалявічам» прабіцца ў Першую лігу, дзе гуляў за гэты клюб цягам паўтара гадоў. Улетку 2014 году разам з таварышамі па камандзе Іванам Васілёнкам і Міхаілам Шчарбаковым далучыўся да новага клюбу Пунтуса — мазырскай «Славіі». Замацаваўся ў мазырскім клюбе і дапамог яму паводле вынікаў сэзону 2014 году вярнуцца ў Найвышэйшую лігу. Аднак, у сэзоне 2015 выступаў за дубль «Славіі», гэтак і не дэбютаваўшы за клюб у Найвышэйшай лізе.
У жніўні 2015 году пакінуў мазырскую «Славію»[2]. У 2016 годзе выступаў за клюб «Слонім»[3], дзе быў асноўным абаронцам каманды. У 2017 годзе выступаў за клюб «Ворша»[4]. У пачатку 2021 году далучыўся да клюбу «Крупкі ДРБУ-164» у Другой лізе.
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Слонім | 2016 | Першая ліга | 20 | 1 |
| Ворша | 2017 | Першая ліга | 18 | 0 |
Крыніцы
рэдагаваць- ^ а б в Evgeni Minenkov // Transfermarkt (мн.) — 2000.
- ^ «Славия» рассталась с Харитончиком и Миненковым (рас.)
- ^ Первая лига. Заявки команд. «Гомель» Журавля и «Днепр» Седнева: видим цель — не видим преград? (рас.)
- ^ «Прессбол» №53 (4023), 7 красавіка 2017
Вонкавыя спасылкі
рэдагаваць- Профіль на сайце мазырскай «Славіі» (рас.)
- Статыстыка «ПБ-Инфо» (рас.)