Іван Васілёнак
Іван Васілёнак (нарадзіўся 17 траўня 1989 году) — колішні беларускі футбаліст, абаронца.
| Іван Васілёнак | ||
| Пэрсанальная інфармацыя | ||
|---|---|---|
| Нарадзіўся | 17 траўня 1989[1] (35 гадоў) | |
| Рост | 179 см | |
| Вага | 74 кг | |
| Пазыцыя | абаронца | |
| Клюбы | ||
| Гады | Клюб | Гульні (галы)¹ |
| 2009—2010 | Гарадзея | 43 (0) |
| 2011 | Клечаск[d] | 26 (1) |
| 2012—2014 | Смалявічы | 77 (7) |
| 2014—2015 | Славія Мазыр | 17 (0) |
| 2016 | Нёман-Агра Стоўпцы | 1 (0) |
| 2016—2020 | Смалявічы | 82 (1) |
| 2020 | Крумкачы | 13 (0) |
Кар’ера
рэдагавацьВыхаванец прыватнай футбольнай школы Віктара Дарміна ў Смалявічах. Пачынаў дарослую кар’еру ў складзе дубля барысаўскага БАТЭ. Пазьней гуляў за дубль «Дарыды». У 2009—2010 гадах гуляў у Другой лізе за «Гарадзею», разам зь якой выйграў турнір. Пасьля аднаго сэзону ў Першай лізе ў складзе «Клечаска» зноў атрымаў перамогу ў Другой лізе ў складзе клюбу «Смалявічы-СТІ».
У 2014 годзе перайшоў у мазырскую «Славію», якую ачольваў былы трэнэр смалявіцкай каманды Юры Пунтус. Дапамог клюбу прабіцца ў Найвышэйшую лігу. У першай палове сэзону 2015 году выступаў за дубль, пазьней пачаў трапляць на лаўку запасных асноўнай каманды. У Найвышэйшай лізе дэбютаваў 13 верасьня 2015 году ў гасьцявым матчы супраць «Віцебску», правёўшы на полі ўсе 90 хвілінаў. Да сканчэньня сэзону яшчэ 5 разоў згуляў за «Славію» ў элітным дывізіёне, але пасьля гэтага пакінуў клюб.
У першай палове 2016 году згуляў у адным матчы ў Другой лізе за «Нёман-Агра», а ў жніўні зноў стаў гульцом «Смалявічаў-СТІ»[2]. Паводле вынікаў сэзону 2017 году дапамог камандзе прасунуцца ў Найвышэйшую лігу. У сьнежні 2017 году падоўжыў кантракт з клюбам, які зьмяніў назву на «Смалявічы»[3]. У сэзоне 2018 году зьяўляўся на полі нерэгулярна, часьцей заставаўся на лаўцы запасных. У сьнежні 2018 году падоўжыў кантракт з смалявіцкім клюбам[4]. У сэзоне 2019 году ў якасьці асноўнага абаронцы дапамог камандзе вярнуць месца ў Найвышэйшай лізе. У студзені 2020 году падоўжыў кантракт з «Смалявічамі»[5]. Пачатак сэзону 2020 году прапусьціў праз траўмы, з траўня пачаў зьяўляцца ў стартавым складзе.
У ліпені 2020 году паводле пагадненьня бакоў пакінуў «Смалявічы»[6] і хутка перайшоў у «Крумкачы»[7], дзе гуляў да канца сэзону 2020 году.
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Славія Мазыр | 2015 | Найвышэйшая ліга | 6 | 0 |
| Нёман-Агра | 2016 | Другая ліга | 1 | 0 |
| Смалявічы | Першая ліга | 13 | 0 | |
| 2017 | Першая ліга | 26 | 0 | |
| 2018 | Найвышэйшая ліга | 12 | 0 | |
Крыніцы
рэдагаваць- ^ а б в Ivan Vasilenok // Transfermarkt (мн.) — 2000.
- ^ Василенок стал игроком "Смолевичей-СТИ", Колоцей, Кульбако и Алисевич покинули клуб
- ^ Чикида, Василенок, Горбачик, Степанов и Гомелько продлили контракты со «Смолевичи-СТИ»
- ^ Бразевич остался у руля "Смолевичей". Клуб подписал Барсукова и Вакулича
- ^ «Смолевичи» вышли из отпуска!
- ^ Ращеня и еще 4 игрока покинули «Смолевичи»
- ^ Защитник "Смолевичей" перешел в НФК "Крумкачы"
Вонкавыя спасылкі
рэдагаваць- Статыстыка «ПБ-Инфо» (рас.)