Ягор Сямёнаў
- Вікіпэдыя мае артыкулы пра іншых асобаў з прозьвішчам Сямёнаў (неадназначнасьць).
Ягор Сямёнаў (нарадзіўся 6 студзеня 1988 году) — беларускі футбаліст, паўабаронца клюбу «Астравец».
| Ягор Сямёнаў | ||
| ||
| Пэрсанальная інфармацыя | ||
|---|---|---|
| Нарадзіўся | 6 студзеня 1988[1] (36 гадоў) | |
| Рост | 174 см | |
| Вага | 71 кг[3] | |
| Пазыцыя | паўабаронца | |
| Клюбная інфармацыя | ||
| Клюб | Астравец | |
| Нумар | 10 | |
| Клюбы | ||
| Гады | Клюб | Гульні (галы)¹ |
| 2005 | Менск-2 | 10 (0) |
| 2010 | Смалявічы | 32 (12) |
| 2011 | Клечаск[d] | 30 (5) |
| 2012 | Гарадзея | 0 (0) |
| 2012 | → Смаргонь | 24 (5) |
| 2013 | Смаргонь | 23 (4) |
| 2014—2015 | Смалявічы | 58 (14) |
| 2016—2017 | Крумкачы | 32 (1) |
| 2017—2018 | Дняпро Магілёў | 39 (7) |
| 2019—2021 | Слуцак | 73 (5) |
| 2022 | Смаргонь | 24 (4) |
| 2023— | Астравец | 34 (5) |
|
¹ Колькасьць гульняў і галоў за прафэсійны клюб лічыцца толькі | ||
Кар’ера
рэдагавацьВыхаванец менскай «Зьмены». У 2005 годзе выступаў за фарм-клюб «Зьмена-2», аднак праз праблемы са здароўем вымушаны быў скончыць кар’еру. Пазьней вучыўся ва ўнівэрсытэце і працаваў, гуляючы ў футбол на аматарскім узроўні. Пазьнейшае абследаваньне выявіла, што праблемы са здароўем зьніклі[4].
У 2010 годзе пачаў гуляць за смалявіцкі «Вігвам» у Другой лізе. Пасьля пасьпяховага сэзону, у якім быў найлепшым бамбардзірам каманды з 12-ю галамі, атрымаў прапанову ад «Клечаска». У студзені 2012 году падпісаў кантракт з «Гарадзеяй»[5], аднак у красавіку таго ж году быў накіраваны ў арэнду ў «Смаргонь»[6]. На наступны год ужо стаў гульцом «Смаргоні» на трывалай аснове, а ў 2014 годзе вырашыў далучыцца да «Смалявічаў-СТІ», дзе стаў адным з асноўных гульцоў. У лютым 2016 году прыбыў на прагляд у стан дэбютанта Найвышэйшай лігі — футбольнага клюбу «Крумкачы»[7] і ў сакавіку скдаў з клюбам працоўную угоду. 2 красавіка 2016 году дэбютаваў у Найвышэйшай лізе, выйшаўшы на замену ў канцы матча супраць «Белшыны» (1:1). Спачатку пераважна выходзіў на замену, аднак у канцы сэзону замацаваўся ў стартавым складзе «Крумкачоў» на пазыцыі левага паўабаронцы. Сэзон 2017 году пачынаў у першым складзе каманды, аое пазьней пачаў часьцей выходзіць на замену ці заставацца на лаўцы запасных. У ліпені 2017 году паводле пагадненьня бакоў пакінуў «Крумкачы»[8]. У жніўні 2017 году далучыўся да менскага «Промня»[9], якому паводле вынікаў сэзону 2017 году дапамог прабіцца ў Найвышэйшую лігу. У сэзоне 2018 году быў адным з асноўных гульцоў каманды.
У студзені 2019 году перайшоў у «Слуцак»[10], дзе быў адным з ключавых гульцоў, толькі ў канцы сэзону 2019 году пачаў часьцей заставацца на лаўцы запасных. У сьнежні 2019 году падоўжыў пагадненьне з «Слуцкам»[11]. У сэзоне 2020 году быў трывалым гульцом стартавага складу. У студзені 2021 году стала вядома, што Сямёнаў застаецца ў «Слуцку»[12]. У 2021 годзе чаргаваў выхады ў стартавым складзе і на замену. У сьнежні 2021 году паводле пагадненьня бакоў пакінуў слуцкі клюб[13]. У лютым 2022 году ўзмоцніў склад «Смаргоні». Быў капітанам каманды і дапамог клюбу паводле вынікаў сэзону 2022 году вярнуцца ў Найвышэйшую лігу. У пачатку 2023 году трэнаваўся з камандай, аднак новы кантракт ня быў падпісаны, таму ня трапіў у заяўку «Смаргоні» на сэзон і ня браў удзелу ў афіцыйных матчах. У ліпені 2023 году прыяднаўся да «Астраўца»[14].
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Крумкачы | 2016 | Найвышэйшая ліга | 25 | 1 |
| 2017 | Найвышэйшая ліга | 7 | 0 | |
| Прамень | 2017 | Першая ліга | 15 | 4 |
| 2018 | Найвышэйшая ліга | 24 | 3 | |
Крыніцы
рэдагаваць- ^ а б в Egor Semenov // Transfermarkt (мн.) — 2000.
- ^ а б https://www.transfermarkt.com/egor-semenov/profil/spieler/233967
- ^ а б https://www.pressball.by/footballstat/egor_semenov/
- ^ Егор Семенов: «Два года не могу отдать Филипенко 250 долларов. Пусть он не обижается»
- ^ «Городея» пополнилась тремя футболистами
- ^ Последние изменения
- ^ Футбол. Егор Семенов и Виктор Чигирев находятся на просмотре в «Крумкачах»
- ^ Егор Семенов расторг контракт с «Крумкачами»
- ^ Семенов, Каминский и Кравчук стали игроками «Луча»
- ^ Егор Семенов сменил "Луч" на "Слуцк"
- ^ Семенов продлил соглашение со "Слуцком"
- ^ Велько, Бобко и Семенов продлили контракты со "Слуцком"
- ^ Егор Семенов покинул "Слуцк"
- ^ Два игрока присоединились к "Островцу" (рас.) Праверана 2023-07-14 г.
Вонкавыя спасылкі
рэдагаваць- Статыстыка «ПБ-Инфо» (рас.)