Царква Сьвятой Тройцы (Целяханы)

Помнік гісторыі
Царква Сьвятой Тройцы
Краіна	Беларусь
Мястэчка	Целяханы
Каардынаты	52°30′53.29″ пн. ш. 25°50′41.57″ у. д.
Канфэсія	Беларускі экзархат
Эпархія	Пінская япархія
Архітэктурны стыль	псэўдарускі стыль[d]
Царква Сьвятой Тройцы на мапе Беларусі Царква Сьвятой Тройцы
Царква Сьвятой Тройцы на Вікісховішчы

Царква Сьвятой Тройцы — помнік гісторыі першай паловы XX стагодзьдзя ў Целяханах. Знаходзіцца ў цэнтры мястэчка. Дзее. Твор архітэктуры расейскай эклектыкі, збудаваны ў стылістыцы мураўёвак другой паловы XIX ст.

Гісторыя

Новую драўляную царкву ў Целяханах збудавалі ў 1934 годзе на месцы царквы XIX ст.

Архітэктура

Прыклад выкарыстаньня ў міжваеннай Польскай Рэспубліцы стылістыкі эклектычнай царкоўнай архітэктуры, якую ўлады Расейскай імпэрыі насаджалі ў межах палітыкі маскалізацыі колішняга Вялікага Княства Літоўскага. Мае складаную шматплянавую аб’ёмна-прасторавую кампазыцыю: падоўжнай восьсю разьмяшчаюцца званіца, кароткі бабінец, кубападобны асноўны аб’ём і 5-гранная апсыда. У сылюэце дамінуюць купалы-цыбуліны на гранёным шатры званіцы (2 васьмерыкі на чацьверыку) і 8-гранным барабане асноўнага аб’ёму. Пірамідальны характар асноўнага аб’ёму вылучае 2-ярусны пакаты шатровы дах, прарэзаны цэнтрычным чацьверыком «другога сьвятла» з радамі разьмешчаных пэрымэтрам паўаркавых люкарнаў. Да бакавых фасадаў асноўнага аб’ёму далучаюцца 5-гранныя прыдзелы, якія абумовілі крыжападобнае разьвіцьцё пляну будынка. Галоўны ўваход вылучаецца навісьсю на 4 слупах з купалам-цыбулінай у завяршэньні. Гарызантальна ашаляваныя фасады праразаюцца высокімі прастакутнымі аконнымі праёмамі ў простых ліштвах.

Зальная ўнутраная прастора мае 2-яруснае перакрыцьце на кутніх ветразях. У інтэр’еры захоўваецца абраз XVIII ст. «Маці Бажая Адзігітрыя».

Галерэя

• Гістарычныя здымкі і графіка
• 
  1925 г.
• 
  1925 г.
• 
  3 ліпеня 1934 г.
• 
  18 кастрычніка 1934 г.

Літаратура

• Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.— 653 с.: іл. ISBN 978-985-11-0389-4.

Вонкавыя спасылкі

• Царква Сьвятой Тройцы ў Целяханах, Radzima.org