Царква Сьвятой Тройцы (Падароск)

Помнік сакральнай архітэктуры
Царква Сьвятой Тройцы
Царква Сьвятой Тройцы
Краіна	Беларусь
Вёска	Падароск
Каардынаты	52°58′52.28″ пн. ш. 24°37′01.70″ у. д.
Канфэсія	праваслаўе і Беларускі экзархат
Эпархія	Гарадзенская і Ваўкавыская япархія[d]
Царква Сьвятой Тройцы на мапе Беларусі Царква Сьвятой Тройцы
Царква Сьвятой Тройцы на Вікісховішчы

Царква́ Сьвято́й Тро́йцы — помнік архітэктуры XVIII стагодзьдзя ў Падароску. Знаходзіцца ў цэнтры колішняга мястэчка. Пры пабудове была ў юрысдыкцыі Сьвятога Пасаду, цяпер — у валоданьні Маскоўскага патрыярхату. Твор архітэктуры барока.

Гісторыя

Царква, каля 1900 г.

Царква, 1905 г.

Вялікае Княства Літоўскае

Першая драўляная царква ў Падароску ўпамінаецца ў 1630 годзе.

У XVIII ст. у мястэчку збудавалі мураваную царкву.

Пад уладай Расейскай імпэрыі

Па трэцім падзеле Рэчы Паспалітай (1795 год), калі Падароск апынуўся ў складзе Расейскай імпэрыі, царква працягвала дзеяць як уніяцкая. Аднак па гвалтоўнай ліквідацыі Грэцка-Каталіцкай (Уніяцкай) царквы ў 1839 годзе расейскія ўлады адабралі будынак царквы ў Сьвятога Пасаду і перадалі ў валоданьне Ўрадавага сыноду Расейскай імпэрыі (Маскоўскай царквы).

Найноўшы час

Па Другой сусьветнай вайне савецкія ўлады зачынілі царкву. У 1988 годзе будынак царквы перадалі Беларускаму экзархату Маскоўскага патрыярхату.

Архітэктура

Помнік архітэктуры барока. Гэта прастакутны ў пляне накрыты 2-схільным дахам аб’ём, да якога з фасада далучаецца 2-ярусная званіца, з тыльнага боку — паўкруглая апсыда з бакавымі рызьніцамі. Над шатром званіцы і алтарнай часткай узвышаюцца купалы. Фасады рытмічна падзяляюцца аркавымі аконнымі праёмамі, аздабляюцца лапаткамі.

Літаратура

• Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.— 653 с.: іл. ISBN 978-985-11-0389-4.

Вонкавыя спасылкі

• Царква Сьвятой Тройцы ў Падароску, Radzima.org