Царква Сьвятога Мікалая (Крайск)

Помнік гісторыі
Царква Сьвятога Мікалая
Царква Сьвятога Мікалая
Краіна	Беларусь
Вёска	Крайск
Каардынаты	54°31′15.64″ пн. ш. 27°30′04.1″ у. д.
Канфэсія	праваслаўе і Беларускі экзархат
Эпархія	Барысаўская япархія[d]
Царква Сьвятога Мікалая на мапе Беларусі Царква Сьвятога Мікалая
Царква Сьвятога Мікалая на Вікісховішчы

Царква Сьвятога Мікалая — помнік гісторыі другой паловы XIX стагодзьдзя (мураўёўка) у Крайску. Знаходзіцца ў цэнтры гістарычнага мястэчка. Дзее. Твор архітэктуры расейскай эклектыкі.

Гісторыя

Мураваную царкву Ўрадавага сыноду Расейскай імпэрыі (Маскоўскай царквы) у Крайску збудавалі ў 2-й палове XIX ст.

У 1930-я гады савецкія ўлады зачынілі царкву, будынак якой перарабілі пад клюб. У 1990-я гады будынак царквы перадалі Беларускаму экзархату Маскоўскага патрыярхату. У 1997—2000-х гадох праводзілася рэканструкцыя будынка.

Архітэктура

Прыклад эклектычнай царкоўнай архітэктуры Расейскай імпэрыі. Кампазыцыя будынка складаецца з званіцы-прытвора, трапезнай, малітоўнай залі і паўкруглай апсыды. Асноўны кубападобны аб’ём завяршаецца шатровым дахам з купалам-цыбулінай на 8-гранным барабане; роўнічныя фасады падзяляюцца 3 аркавымі праёмамі. У сылюэце будынка пануе 2-ярусная (васьмярык на чацьверыку) званіца, завершаная гранёным шатром з купалам-цыбулінай. Архітэктурна-дэкаратыўная плястыка абмяжоўваецца фрызам-парэбрыкам, кілепадобнымі ліштвамі з калёнкамі аркавых праёмаў.

Літаратура

• Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.— 653 с.: іл. ISBN 978-985-11-0389-4.

Вонкавыя спасылкі

• Царква Сьвятога Мікалая ў Крайску, Radzima.org