Царква Покрыва Багародзіцы (Клецак)

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Царква Покрыва Багародзіцы (неадназначнасьць).

Помнік гісторыі
Царква Покрыва Багародзіцы
Пакроўская царква
Краіна	Беларусь
Места	Клецак
Каардынаты	53°04′32″ пн. ш. 26°38′22″ у. д. / 53.07556° пн. ш. 26.63944° у. д. / 53.07556; 26.63944Каардынаты: 53°04′32″ пн. ш. 26°38′22″ у. д. / 53.07556° пн. ш. 26.63944° у. д. / 53.07556; 26.63944
Канфэсія	праваслаўе і Беларускі экзархат
Эпархія	Слуцкая япархія^[d]
Архітэктурны стыль	псэўдарускі стыль^[d]
Аўтар праекту	Леанард Крыжаноўскі^[d]
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Царква Покрыва Багародзіцы на мапе Беларусі Царква Покрыва Багародзіцы
Царква Покрыва Багародзіцы на Вікісховішчы

Царква́ По́крыва Багаро́дзіцы — помнік гісторыі другой паловы XIX стагодзьдзя (мураўёўка) у Клецку. Знаходзіцца ў паўночнай частцы места, на могілках пры гістарычнай Нясьвіскай вуліцы^[a]. Дзее. Твор архітэктуры расейскай эклектыкі.

Гісторыя

Мураваную царкву Ўрадавага сыноду Расейскай імпэрыі (Маскоўскай царквы) у Клецку збудавалі ў 1876—1879 гадох на месцы драўлянай царквы Сьвятога Пасаду 1786 году.

Архітэктура

Прыклад эклектычнай царкоўнай архітэктуры Расейскай імпэрыі. Сымэтрычна-восевая аб’ёмна-прасторавая кампазыцыя складаецца з рознавялікіх прастакутных аб’ёмаў званіцы, трапезнай, кубападобнай малітоўнай залі і арыентаванай на ўсход апсыды. Цэнтральны аб’ём накрываецца 4-схільным пакатым дахам з драўляным 2-ярусным васьмерыковым барабанам, завершаным шатром з купалам-цыбулінай. Падобнае драўлянае завяршэньне — васьмярык на чацьверыку з шатром і купалам-цыбулінай — таксама мае 3-ярусная званіца. Галоўны ўваход вылучаецца драўляным прытворам. Да яго з 3 бакоў вядуць сходы, выкладзеныя з ружовага вапняку. Сьцены будынка праразаюца прастакутнымі аконнымі праёмамі ў простых ліштвах. Кутнія часткі дэкаруюцца магутнымі лапаткамі, пэрымэтрам будынка выступае драўляны карніз простага профілю, аздоблены бляшаным арнамэнтальным падзорам.

Кампазыцыя ўнутранай прасторы будуецца на кантрасьце нізкіх памяшканьняў трапезнай і апсыды з больш высокай цэнтральнай заляй. Памяшканьні адкрываюцца ў малітоўную залю лучковымі аркавымі прасьветамі. Апсыда вылучаецца драўляным іканастасам^[1].