Царква Аляксандра Неўскага (Індура)

Помнік гісторыі
Царква Аляксандра Неўскага
Царква Аляксандра Неўскага
Краіна	Беларусь
Вёска	Індура
Каардынаты	53°27′46″ пн. ш. 23°53′05.40″ у. д.
Канфэсія	Беларускі экзархат
Эпархія	Гарадзенская і Ваўкавыская япархія[d]
Архітэктурны стыль	псэўдарускі стыль[d]
Аўтар праекту	Іван Ігнатавіч Калянкевіч[d]
Статус	Дзяржаўны сьпіс гісторыка-культурных каштоўнасьцяў Рэспублікі Беларусь
Царква Аляксандра Неўскага на мапе Беларусі Царква Аляксандра Неўскага
Царква Аляксандра Неўскага на Вікісховішчы

Царква Аляксандра Неўскага — помнік гісторыі другой паловы XIX стагодзьдзя (мураўёўка) у Індуры. Знаходзіцца ў цэнтры колішняга мястэчка. Дзее. Твор архітэктуры расейскай эклектыкі. Аб’ект Дзяржаўнага сьпісу гістарычна-культурных каштоўнасьцяў Беларусі.

Гісторыя

Мураваную царкву Ўрадавага сыноду Расейскай імпэрыі (Маскоўскай царквы) у Індуры збудавалі ў 1881 годзе.

Архітэктура

Прыклад эклектычнай царкоўнай архітэктуры Расейскай імпэрыі. Мае 4-часткавую падоўжна-восевую кампазыцыю: званіца, трапезная, малітоўная заля, 5-гранная апсыда. У сылюэце дамінуе шатровая званіца і купал-цыбуліна на 8-гранным барабане, узьведзены над пакатым 4-схільным дахам асноўнага кубападобнага аб’ёму. У архітэктуры выкарыстоўваюцца рытм аркавых аконных праёмаў у кілепадобных ліштвах і фрыз з квадратных шырынак. Узняты на бутавы калярыстычна насычаны цокаль, будынак надзяляецца на апсыдзе магутным каляровым акцэнтам — вялізным мастацкім пано на эвангельскі сюжэт.

Літаратура

• Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.— 653 с.: іл. ISBN 978-985-11-0389-4.

Вонкавыя спасылкі

Аб’ект Дзяржаўнага сьпісу гісторыка-культурных каштоўнасьцяў Рэспублікі Беларусь, шыфр  413Г000179

• Царква Аляксандра Неўскага ў Індуры, Radzima.org