Царква Ўсіх Сьвятых (Тураў)

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Царква Ўсіх Сьвятых (неадназначнасьць).

Помнік сакральнай архітэктуры
Царква Ўсіх Сьвятых
Царква Ўсіх Сьвятых
Краіна	Беларусь
Места	Тураў
Каардынаты	52°11′12.35″ пн. ш. 25°09′07.36″ у. д. / 52.1867639° пн. ш. 25.1520444° у. д. / 52.1867639; 25.1520444Каардынаты: 52°11′12.35″ пн. ш. 25°09′07.36″ у. д. / 52.1867639° пн. ш. 25.1520444° у. д. / 52.1867639; 25.1520444
Канфэсія	Беларускі экзархат
Эпархія	Тураўская япархія
Статус	Дзяржаўны сьпіс гісторыка-культурных каштоўнасьцяў Рэспублікі Беларусь^[1]
Царква Ўсіх Сьвятых на мапе Беларусі Царква Ўсіх Сьвятых
Царква Ўсіх Сьвятых на Вікісховішчы

Царква́ Ўсіх Сьвяты́х — помнік архітэктуры XIX стагодзьдзя ў Тураве. Знаходзіцца ва ўсходняй частцы места, на могілках^[a]. Дзее. Твор традыцыйнай беларускай драўлянай архітэктуры.

Гісторыя

Царква. І. Сербаў 1912 г.

Новую драўляную царкву ў Тураве збудавалі ў 1810 годзе на месцы царквы 1801 году.

Царква. І. Сербаў, 1912 г.

У 1930-я гады савецкія ўлады закрылі царкву. У 1980 годзе будынак перадалі Беларускаму экзархату Маскоўскага патрыярхату.

Архітэктура

Помнік традыцыйнай беларускай драўлянай архітэктуры. 3-зрубная кампазыцыя складаецца з прастакутнага аб’ёму, у якім аб’ядноўваюцца прытвор і бабінец, квадратнай у пляне малітоўнай залі і апсыды. Першапачаткова зрубы завяршаліся шатровымі дахамі з купаламі і крыжамі. У пачатку XX ст. шатры замянілі 2-схільнымі дахамі, над прытворам надбудавалі васьмерыковую шатровую званіцу. Вэртыкальна ашаляваныя фасады праразаюцца прастакутнымі аконнымі праёмамі, уваход вылучаецца 2-слуповым ганкам пад 2-схільнай навісьсю.

У малітоўную залю шырокім прастакутным прасьветам адкрываецца бабінец. Апсыда вылучаецца прасьветам з зрэзанымі кутамі і 2-ярусным разным іканастасам з царскімі варотамі ў стылі ракако^[2].

Заўвагі

^ Цяперашні афіцыйны адрас — вуліца Ленінская, 99.

Крыніцы

^ ^а ^б https://heritage.gov.by/catalog/usiasviatckaia-tcarkva-359
^ Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.

Літаратура

Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.— 653 с.: іл. ISBN 978-985-11-0389-4.

Вонкавыя спасылкі

Царква Ўсіх Сьвятых ў Тураве, Radzima.org

[2] Цяперашні афіцыйны адрас — вуліца Ленінская, 99.

[_ee6b485132b4c945-1] а ^б https://heritage.gov.by/catalog/usiasviatckaia-tcarkva-359

[3] Кулагін А. Праваслаўныя храмы Беларусі: Энцыкл. даведнік. — Менск: Беларуская Энцыкляпэдыя, 2007.

[1]

[a]

[2]