Філіп Іваноў
Філіп Іваноў (нарадзіўся 21 ліпеня 1990 году) — колішні беларускі футбаліст, паўабаронца.
| Філіп Іваноў | ||
| Пэрсанальная інфармацыя | ||
|---|---|---|
| Нарадзіўся | 21 ліпеня 1990[1] (34 гады) | |
| Рост | 196 см | |
| Вага | 90 кг | |
| Пазыцыя | нападнік | |
| Клюбы | ||
| Гады | Клюб | Гульні (галы)¹ |
| 2009—2011 | Дынама Менск | 5 (0) |
| 2012 | Гомель | 0 (0) |
| 2012 | СКВІЧ | 12 (5) |
| 2013 | Віцебск | 13 (7) |
| 2013 | Дынама Берасьце | 5 (0) |
| 2014 | Шахцёр Салігорск | 5 (0) |
| 2014 | Іслач | 5 (0) |
| 2015—2017 | Крумкачы | 82 (22) |
| 2018 | Дынама Менск | 25 (4) |
| 2019 | Менск | 6 (1) |
| 2019 | Дынама Менск | 12 (2) |
| 2020 | Ліепая | 8 (1) |
| 2021 | Крумкачы | 28 (7) |
| Зборныя | ||
| 2009 | Беларусь (да 19)[d] | 2 (0) |
| 2010—2012 | Беларусь (да 21) | 17 (1) |
Кар’ера
рэдагавацьЗ 2007 году гуляў за менскае «Дынама», але пераважна за дублюючы склад. У сакавіку 2012 году пакінуў «Дынама» і далучыўся да «Гомля», дзе таксама гуляў за дубль. У ліпені 2012 году скасаваў кантракт з гомельскім клюбам[2], а ў жніўні стаў гульцом менскага клюбу СКВІЧ. У лютым 2013 году перайшоў у «Віцебск». Стаў найлепшым бамбардзірам віцебскага клюбу, але пасьля з’яўленьня ў Віцебску фінансавых праблемаў у жніўні 2013 году папоўніў склад берасьцейскага «Дынама». У «Дынама» ня здолеў замацавацца ў першым складзе і ў сьнежні 2013 году кантракт зь берасьцейскім клюбам быў скасаваны.
З студзеня 2014 году знаходзіўся на праглядзе ў салігорскім «Шахцёры»[3], у выніку ў сакавіку 2014 году ўзмоцніў склад гэтага клюбу[4]. У «Шахцёры» гуляў перадусім за дубль, у асноўным складзе зьяўляўся эпізадычна. У жніўні 2014 кантракт з гарнякамі на ўзаемную згоду быў ануляваны[5]. У канцы жніўня 2014 году прыяднаўся да шыхтаў першалігавай «Іслачы»[6]. Згуляў за гэты клюб у 9 матчах, галамі не адзначаўся. Па заканчэньні сэзону 2014 году пакінуў «Іслач»[7].
З пачатку 2015 году трэнаваўся разам з навабранцам Першай лігі — футбольным клюбам «Крумкачы», зь якім у красавіку падпісаў кантракт[8]. Быў адным зь лідэраў «Крумкачоў», дапамог гэтаму клюбу прасунуцца ў Найвышэйшую лігу. У сэзоне 2016 году стаў капітанам каманды. Звычайна выступаць на пазыцыі правага паўабаронцы. У кастрычніку 2016 году падоўжыў кантракт з «Крумкачамі» да сканчэньня 2018 году[9]. 29 ліпеня 2017 году поруч з шэрагам іншых футбалістаў «Крумкачоў» адмовіўся ехаць на матч супраць «Віцебску» з прычыны затрымкі выплаты заробку[10] і неўзабаве паводле пагадненьня бакоў пакінуў каманду[11]. Аднак, праз два тыдні вярнуўся ў склад «Крумкачоў»[12]. У першым жа матчы па вяртаньні, 20 жніўня 2017 году супраць БАТЭ, забіў гол і аддаў галявую перадачу, чым дапамог сталічнаму клюбу атрымаць перамогу зь лікам 3:2.
З студзеня 2018 году знаходзіўся на праглядзе ў менскім «Дынама» і ў лютым падпісаў кантракт з клюбам[13]. Спачатку пераважна выходзіў на замену, аднак зь ліпеня 2018 году, у сувязі з зыходам Антона Сарокі і траўмай Алксандра Макася, пачаў часьцей зьяўляцца ў стартавым складзе. У пачатку 2019 году, не зважаючы на заканчэньне кантракту, трэнаваўся з дынамаўцамі і выправіўся на першы турэцкі збор, аднак у лютым пакінуў каманду[14]. Тым ня менш, неўзабаве вярнуўся і падпісаў новы кантракт зь менчукамі[15], аднак ужо праз два тыдні кантракт быў скасаваны[16].
У сакавіку 2019 году стаў гульцом «Менску»[17]. Пачынаў сэзон у першай адзінаццатцы каманды, аднак пазьней праз пашкоджаньні ўжо радзей зьяўляўся на полі. У чэрвені 2019 году паводле пагадненьня бакоў пакінуў «Менск»[18]. У жніўні 2019 году зноў далучыўся да «Дынама»[19], дзе неўзабаве стаў гульцом асноўнага складу. У сьнежні 2019 году па заканчэньні кантракту пакінуў клюб[20]. У сакавіку 2020 году стаў гульцом «Ліепаі»[21]. Пакінуў каманду ў жніўні 2020 году. У студзені 2021 году трэнаваўся з «Крумкачамі» і ў лютым афіцыйна ўзмоцніў склад каманды[22]. Выступаў пераважна ў стартавым складзе. Пакінуў клюб па заканчэньні сэзону 2021 году і зьехаў у Польшчу.
Дасягненьні
рэдагаваць- Бронзавы прызэр чэмпіянату Беларусі: 2018
Статыстыка
рэдагаваць| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Крумкачы | 2015 | Першая ліга | 29 | 14 |
| 2016 | Найвышэйшая ліга | 27 | 2 | |
| 2017 | Найвышэйшая ліга | 26 | 6 | |
| Дынама Менск | 2018 | Найвышэйшая ліга | 25 | 4 |
Крыніцы
рэдагаваць- ^ а б в Filipp Ivanov // Transfermarkt (мн.) — 2000.
- ^ "Гомель" расстался с Филиппом Ивановым
- ^ Рыжко, Иванов, Бушман, Ярославский и Пидвирный на просмотре в "Шахтере"
- ^ Встреча «Шахтера» с болельщиками. В поисках стульев (рас.)
- ^ «Шахтер» расторг контракт с Филиппом Ивановым (рас.)
- ^ Нападающий «Шахтера» перешел в «Ислочь» (рас.)
- ^ Виталий Жуковский: "На 80 процентов "Ислочь" укомплектована"
- ^ «Крумкачы» подписали контракты с Филиппом Иванов и Ильей Пуховым
- ^ Шикавка и Иванов до конца 2018 года продлили контракты с "Крумкачами"
- ^ Пять игроков основного состава "Крумкачей" отказались ехать на матч с "Витебском" из-за задержки зарплаты
- ^ Филипп Иванов расторг соглашение с "Крумкачами"
- ^ Филипп Иванов вновь в составе ФК "Крумкачы"
- ^ Филипп Иванов подписал контракт с минским "Динамо"
- ^ Артем Гуренко и Филипп Иванов покинули минское "Динамо"
- ^ Минское "Динамо" сообщило о возвращении Филиппа Иванова
- ^ Минское "Динамо" спустя две недели после подписания контракта, объявило о расставании с Филиппом Ивановым
- ^ Филипп Иванов стал игроком "Минска"
- ^ "Минск" расстался с Филиппом Ивановым
- ^ Филипп Иванов вернулся в минское "Динамо"
- ^ Галович, Яхая, Ятченко и еще три игрока покинули минское "Динамо"
- ^ Филипп Иванов и Сейду Яхая перешли в "Лиепаю"
- ^ Филипп Иванов вернулся в НФК "Крумкачы"
Вонкавыя спасылкі
рэдагаваць- Статыстыка «ПБ-Инфо» (рас.)