Францішак Ляхоцкі
Франці́шак Ляхо́цкі (па-польску: Franciszek Lachocki; 1899, Пружаны, Расейская імпэрыя — 13 верасьня 1988, Пэнсыльванія, ЗША) — польскі паэт-эмігрант беларускага паходжаньня.
| Францішак Ляхоцкі | |
| Franciszek Lachocki | |
| Асабістыя зьвесткі | |
|---|---|
| Нарадзіўся | 1899 Расейская імпэрыя Пружана
|
| Памёр | 13 верасьня 1988 ЗША Пэнсыльванія
|
| Пахаваны | |
| Літаратурная дзейнасьць | |
| Род дзейнасьці | паэт |
Жыцьцяпіс
рэдагавацьНарадзіўся ў Пружане ў сям’і мясцовага шляхціца Міхаіла. Унук Ксавэрыя Ляхоцкага, маршалка пружанскай шляхты напрыканцы XIX стагодзьдзя. Дзяцінства правёў у маёнтку сям’і ў вёсцы Росахі. У 1915 сям’я эвакуяваная ў глыб Расеі.
Па вяртаньні ў Пружану жыў на вуліцы Замкавай, працаваў школьным інспэктарам, пасьля ў фінаддзеле.
Арыштаваны 24 сакавіка 1940 з прыходам у Заходнюю Беларусь Саветаў. 21 жніўня асуджаны на 8 рокаў у папраўча-працоўным лягеры ва Ўхце, а ягоная сям’я дэпартаваная ў Казахстан. 8 верасьня 1941 амніставаны і разам з сынамі далучыўся да фармаванай Арміі генэрала Андэрса. У 1942 разам з арміяй пакінуў СССР, ваяваў у I корпусе ў Шатляндыі.
Па вайне асеў у Вялікабрытаніі, дзе скончыў курсы садаводзтва і агародніцтва, працаваў па спэцыяльнасьці. З 1950 — у ЗША, места Блюмфілд. Некаторы час вёў ліставаньне з настаўніцай з Пружанаў Варварай Шпакоўскай.
Памёр 13 верасьня 1988 року. Пахаваны ў Дойлзтаўне(en) (Пэнсыльванія). Рэабілітаваны 12 ліпеня 1989 року[1].
Творчасьць
рэдагавацьПаэтычныя зборнікі «Ластаўчыны гнёзды» (1970), «Дом зь лістоўніцы» (1971), «На бярозавай кары» (1980), «За карункавыя вечары» (1984), «Над Мухаўцам» і «Палесьсе» (1987), у якіх апяваў роднае Палесьсе.
Апавяданьне «Споведзь».
Па сьмерці Францішка Ляхоцкага ягоныя кнігі перадаў польскаму аддзелу бібліятэкі ў Нью-Брытэне (Канэктыкут, ЗША) Ян Вуйцік[2].
Пераклады на беларускую мову
рэдагаваць- Ляхоцкі Францішак. Палессе = Polesie. — Студзіводы: Orthdruk. — С. 64. — (бібліятэка Беларускага Гістарычнага Таварыства). — ISBN 978-83-925074-9-9 (пераклад Віктар Швед). 9 кастрычніка 2010 року гэты пераклад быў прэзэнтаваны ў «Пружанскім палацыку».
Крыніцы і заўвагі
рэдагаваць- ^ «Не губляйце майго прозвішча…» Брестская область. Новости Беларуси (25 кастрычніка 2010). Праверана 28 лістапада 2011 г.
- ^ Stanisława Mocek. Forum czytelników // Echa Polesia. — 2009. — № 4 (24). — С. 64.
Літаратура
рэдагаваць- Здановіч І. Ляхоцкі Францішак // Рупліўцы беларускага нацыянальнага адраджэньня з Пружаншчыны: Грамадска-літаратурны даведнік. — Берасьце: «Альтернатива», 2008. — С. 167—168. — 80 ас. — ISBN 978-985-6843-85-6
- Натальля Пракаповіч. Доўгая дарога дамоў, ці Адкрыццё паэта Францішака Ляхоцкага // Газета для вас. — Івацэвічы: 22 кастрычніка 2010. — № 773.
Вонкавыя спасылкі
рэдагаваць- Кароткі жыцьцяпіс на Камунікаце
- Franciszek Lachocki (пол.) // Echa Polesia