Уладзіслаў Ясюкевіч
Уладзіслаў Ясюкевіч (нарадзіўся 30 траўня 1994 году) — беларускі футбаліст, абаронца.
| Уладзіслаў Ясюкевіч | ||
| Пэрсанальная інфармацыя | ||
|---|---|---|
| Нарадзіўся | 30 траўня 1994[1] (29 гадоў) | |
| Рост | 184 см | |
| Вага | 81 кг[2] | |
| Пазыцыя | абаронца | |
| Клюбы | ||
| Гады | Клюб | Гульні (галы)¹ |
| 2012—2018 | Іслач | 140 (6) |
| 2019 | Рух Берасьце | 26 (3) |
| 2020 | Белшына | 27 (0) |
| 2021—2022 | Дынама Берасьце | 40 (1) |
| 2023 | Маладэчна-2018 | 11 (0) |
| 2023 | Астравец | 14 (0) |
| Зборныя | ||
| 2016 | Беларусь (да 21) | 3 (0) |
Кар’ера рэдагаваць
Клюбная рэдагаваць
Уладзіслаў пачаў кар’еру ў клюбе «Іслач» у Другой лізе і ўжо тады быў асноўным гульцом каманды. Разам з клюбам прайшоў шлях да Найвышэйшай лігі, дзе стаў віцэ-капітанам каманды. У студзені 2016 году падоўжыў кантракт зь «Іслаччу»[3]. 1 красавіка 2016 году дэбютаваў у Найвышэйшай лізе, у якасьці капітана вывеўшы сваю каманду на матч супраць «Нафтану» (2:0). Пазьней трывала выходзіў на поле на пазыцыі цэнтральнага абаронцы. У другой палове сэзона 2017 году стаў радзей зьяўляцца ў складзе, а канец сэзону прапусьціў праз траўмы. У сэзоне 2018 году звычайна заставаўся на лаўцы запасных, правёўшы за асноўную каманду толькі адзіны матч у Найвышэйшай лізе і два ў Кубку Беларусі, гуляў таксама за дубль. У сьнежні 2018 году па заканчэньні кантракта пакінуў «Іслач»[4].
З студзеня 2019 году знаходзіўся на праглядзе ў берасьцейскім «Руху» і ў выніку падпісаў кантракт з клюбам[5]. Быў трывалым гульцом асноўнага складу берасьцейскай каманды. У студзені 2020 году кантракт з «Рухам» быў ануляваны[6]. У лютым 2020 году стаў гульцом бабруйскай «Белшыны»[7]. Трывала гуляў у стартавым складзе бабруйчанаў, але ня выратаваў каманду ад вылету ў Першую лігу. У сьнежні 2020 году пакінуў «Белшыну»[8]. У лютым 2021 году далучыўся да берасьцейскага «Дынама»[9]. У сэзоне 2021 году часьцей гуляў у пачатковым складзе, аднак нярэдка заставаўся на лаўцы запасных. У лютым 2022 году падоўжыў пагадненьне з дынамаўцамі[10].
У сакавіку 2023 году стаў гульцом «Маладэчна-2018»[11]. Пакінуў клюб у ліпені 2023 году[12] і неўзабаве далучыўся да «Астраўца»[13]. У сьнежні 2023 году пакінуў «Астравец»[14].
Міжнародная рэдагаваць
У студзені 2016 году ўпершыню быў выкліканы ў моладзевую зборную Беларусі на ўдзел у Кубку Садружнасьці ў Санкт-Пецярбургу, дзе 23 студзеня і дэбютаваў у камандзе, правёўшы ўвесь матч супраць адналеткаў з Латвіі. Усяго за моладзевую зборную правёў тры матчы.
Статыстыка рэдагаваць
| Клюб | Сэзон | Чэмпіянат | ||
|---|---|---|---|---|
| Дывізіён | Матчы | Галы | ||
| Іслач | 2016 | Найвышэйшая ліга | 25 | 1 |
| 2017 | Найвышэйшая ліга | 16 | 0 | |
| 2018 | Найвышэйшая ліга | 1 | 0 | |
Крыніцы рэдагаваць
- ^ а б в Vladislav Yasukevich // Transfermarkt (мн.) — 2000.
- ^ а б https://www.pressball.by/footballstat/vladislav_yasukevich/
- ^ Тишкевич, Денисевич и еще 9 футболистов продлили контракты с «Ислочью» (рас.)
- ^ Букаткин, Туранок и еще пять игроков покинули "Ислочь" (рас.)
- ^ Хутко и Ясюкевич подписали контракты с "Рухом" (рас.)
- ^ "Рух" расстался с Ясюкевичем (рас.)
- ^ Глебко, Харитонович и Ясюкевич подписали контракты с "Белшиной". Еще три игрока продлили соглашения с клубом (рас.)
- ^ "Белшину" покинуло 10 футболистов (рас.)
- ^ Ясюкевич сменил "Белшину" на брестское "Динамо" (рас.)
- ^ Брестское "Динамо" продлило контракты с четырьмя футболистами (рас.)
- ^ Ясюкевич и Лынько стали игроками "Молодечно-2018" (рас.)
- ^ Владислав Ясюкевич и Сергей Лынько покинули "Молодечно-2018" (рас.)
- ^ Еще один известный белорусский футболист пополнил "Островец" (рас.)
- ^ Сарока, Лебедев и еще восемь футболистов покинули "Островец" (рас.)
Вонкавыя спасылкі рэдагаваць
- Статыстыка «ПБ-Инфо» (рас.)