Уладзімер Бровікаў
Уладзі́мер Ігна́тавіч Бро́вікаў (12 траўня 1931, Ветка, Гомельская акруга, БССР, цяпер Гомельская вобласьць, Беларусь — 10 лютага 1992, Масква, Расея) — беларускі й савецкі дзяржаўны й партыйны дзяяч, дыплямат. Сябра Камуністычнай партыі ад 1958. Кандыдат філязофскіх навук (1969).
| Уладзімер Ігнатавіч Бровікаў | |
| Старшыня Савету Міністраў БССР | |
|---|---|
| 1983 — 1986 | |
| Папярэднік: | Аляксандар Аксёнаў |
| Наступнік: | Міхаіл Кавалёў |
| Амбасадар СССР у Польшчы | |
| 1986 — 1990 | |
| Папярэднік: | Аляксандар Аксёнаў |
| Наступнік: | Барыс Кашлеў |
| Асабістыя зьвесткі | |
| Нарадзіўся: |
12 траўня 1931 |
| Памёр: |
10 лютага 1992 (60 гадоў) |
| Партыя: | КПБ, КПСС |
| Адукацыя: | |
| Узнагароды: |
  |
Біяграфія
рэдагавацьСын службоўцы. У 1950—1955 студэнт факультэта журналістыкі Беларускага дзяржаўнага ўнівэрсытэту імя У. І. Леніна. З 1955—1959 загадчык аддзелу сельскай гаспадаркі раённай газэты «Ленинский призыв» Воршы. У 1959—1960 рэдактар раённай газэты «Клич Ильича» ў Суражы, у 1960—1962 і 1963 намесьнік рэдактара і рэдактар газэты «Ленинский призыв», у 1962—1963 газэты «Днепровская правда». З 1963 намесьнік сакратара парткаму Аршанскага вытворчага калгасна-саўгаснага кіраваньня. З 1965 другі сакратар Аршанскага райкаму партыі. У 1966—1969 слухач Акадэміі грамадзкіх навук пры ЦК КПСС. У 1969 абараніў дысэртацыю на тэму «Некаторыя тэарэтычныя праблемы палітычнай агітацыі». З 1969 рэдактар абласной газэты «Витебский рабочий». З 1970 сакратар Віцебскага абкаму партыі. З 1972 у апараце ЦК КПСС: інспэктар (1972), памагаты сакратара ЦК КПСС (1972—1973), з 1973 намесьнік загадчыка Аддзелу арганізацыйна-партыйнай працы. З траўня 1978 другі сакратар ЦК Кампартыі Беларусі. Зь ліпеня 1983 Старшыня Рады Міністраў Беларускай ССР. Зь сьнежня 1985 Надзвычайны і Паўнамоцны Амбасадар СССР у Польскай Народнай Рэспубліцы. З 1990 на пэнсіі. У 1979—1989 Дэпутат Вярхоўнай Рады СССР 10-11 скліканьняў. Сябра ЦК КПСС у 1981—1990. Узнагароджаны ордэнам Леніна, двума ордэнамі «Знак Пашаны». Пахаваны ў Маскве на Новадзявочых могілках.