Архангельская вобласьць
Арха́нгельская во́бласьць (па-расейску: Архангельская область) — вобласьць у эўрапейскай частцы Расеі. Адміністрацыйны цэнтар — места Архангельск. У склад вобласьці ўваходзіць Ненецкая аўтаномная акруга. Створана 23 верасьня 1937 годзе пры падзеле Паўночнай вобласьці РСФСР.
| Архангельская вобласьць | |
| Архангельская область | |
 |  Сьцяг |
| Гімн | Anthem of Arkhangelsk Oblast[d] |
|---|---|
| Агульныя зьвесткі | |
| Краіна | Расея |
| Статус | вобласьць |
| Уваходзіць у | Паўночна-заходняя фэдэральная акруга Паўночная эканамічная акруга |
| Адміністрацыйны цэнтар | Архангельск |
| Дата ўтварэньня | 23 верасьня 1937 |
| Губэрнатар | Ігар Арлоў |
| Насельніцтва (2015) | 1 183 501 (41-е месца) |
| Шчыльнасьць | 2,01 чал./км² |
| Плошча | 589 913 км² (8-е месца) |
| Вышыня па-над узр. м. · сярэдняя вышыня | 77 м |
| Месцазнаходжаньне Архангельскай вобласьці | |
.svg)
| |
| Мэдыя-зьвесткі | |
| Часавы пас | GMT +3 |
| Код ISO 3166-2 | RU-ARK |
| Код аўтам. нумароў | 29 |
| Афіцыйны сайт | |
 Дадатковыя мультымэдыйныя матэрыялы | |
Геаграфічныя зьвесткі
рэдагавацьВобласьць разьмешчана на поўначы Ўсходне-Эўрапейскай раўніны. Абмываецца Белым, Баранцавым, Пячорскім і Карскі морамі. Архангельская вобласьць разьмяшчаецца блізка да арктычных мораў і выдаленая ад цёплага Паўночна-Атлянтычнага цячэньня, адгалінаваньня Гальфстрыму, клімат тут умерана-кантынэнтальны, на паўночным-захадзе — марскі, на паўночным усходзе — субарктычны, гэта значыць прахалоднае лета й працяглая халодная зіма. На архіпэлягу Новая Зямля, які ўваходзіць у склад вобласьці, маецца арктычны клімат.
Рэльеф
рэдагавацьТэрыторыя вобласьці ўяўляе сабой шырокую раўніну са слаба выяўленым ухілам да Белага й Баранцавага мораў, дзе раўнінна месцамі парушаецца ўзгоркамі, якія ўтварыліся ў выніку дзейнасьці старажытнага ледавіка.
Карысныя выкапні
рэдагавацьКарысныя выкапні на тэрыторыі вобласьці маюць галоўным чынам ападкавае паходжаньне. За 100 км на поўнач ад Архангельску на тэрыторыі Прыморскага й Мезенскага раёнаў знаходзяцца найбуйнейшыя ў Эўропе радовішча алмазаў.
У вобласьці знаходзяцца значныя радовішчы нафты й газу, асабліва яны значныя ў паўночнай частцы вобласьці — у Вяліказямельскай тундры, маюцца таксама радовішчы каменнага вугалю й велізарныя запасы торфу.
Гісторыя
рэдагавацьУ эпоху вікінгаў зямлі, якія ўваходзяць цяпер у склад тэрыторыі вобласьці былі вядомыя ў Скандынавіі як Біярмія, аднак дакладнага меркаваньня гэтага няма. У XII стагодзьдзі яна ўвайшла ў склад Наўгародзкай зямлі. Спрадвеку, акрамя абарыгенных народнасьцяў, тутэйшыя месцы засялялі паморы.
Насельніцтва
рэдагавацьПаводле зьвестак за 2002, у Архангельскай вобласьці жыло 9986 беларусаў (3-е месца). Усяго ў вобласьці пражывае 1 294 993 чалавек паводле зьвестак на 2010 год[1], без уліку насельніцтва Ненецкай аўтаномнай акругі.
Ураджэнцы
рэдагаваць- Людміла Русава (1954, пас. Дашчанае - 2010) - лідэрка беларускага мастацкага авангарду[2]
Адміністрацыйна-тэрытарыяльны падзел
рэдагавацьНа тэрыторыі вобласьці існуе 19 муніцыпальных утварэньняў.
Крыніцы
рэдагаваць- ^ Предварительные итоги Всероссийской переписи населения 2010 года
- ^ Свабода, лёгкасьць і пісталет: памяці мастачкі Людмілы Русавай https://www.svaboda.org/a/30643424.html