Тутэйшыя (спэктакль)
«Тутэйшыя» — спэктакль па аднайменным творы Янкі Купалы, упершыню пастаўлены 17 кастрычніка 1990 году рэжысэрам Мікалаем Пінігіным. У 1992 годзе «Тутэйшыя» атрымалі Дзяржаўную прэмію Беларусі.
| Тутэйшыя | |
| Жанр | трагікамэдыя |
|---|---|
| Паводле | п’есы Янкі Купалы |
| Аўтар | Янка Купала |
| Рэжысэр | Мікалай Пінігін |
| Акторы | Віктар Манаеў Зоя Белахвосьцік Марыя Захарэвіч Генадзь Аўсяньнікаў Аляксандар Падабед |
| Працягласьць | каля 140 хв. |
| Краіна | Беларусь |
| Мова | беларуская |
| Год прэм’еры | 1990 |
| Пастаноўкі | Нацыянальны акадэмічны тэатар імя Янкі Купалы 1990—2010 |
| Узнагароды | Дзяржаўная прэмія Беларусі (1992) |
Напрыканцы спэктаклю на сцэне ўздымаўся бел-чырвона-белы сьцяг. Некаторыя гледачы ў гэты час крычалі «Жыве Беларусь!». Пасьля рэфэрэндуму 1995 году, гэта было не даспадобы афіцыйным уладам. На паўтара году спэктакль быў фактычна забаронены. Пасьля спарадычна даваліся паказы. 7 ліпеня 2002 году Мікалай Пінігін аднавіў «Тутэйшых»[1][2]. А потым спэктакль ізноў зьнік на пэўны час з рэпэртуару.
Да 125-годзьдзя Янкі Купалы 5 ліпеня 2007 году спэктакль быў паказаны ізноў. Квіткі былі раскуплены за месяц да паказу. Пайшлі чуткі, што гэты паказ спэктаклю будзе апошнім. Адміністрацыя тэатру спрабавала не дапусьціць на паказ журналістаў і не дазваляла рабіць фатаздымкі[3].
У траўні 2010 году Пінігін абвесьціў, што спэктакль у яго пастаноўцы зьняты з рэпэртуару. Як патлумачыў загадчык літаратурнай часткі Нацыянальнага акадэмічнага тэатру імя Янкі Купалы Ігар Скрыпка:
|
Зусім і назаўсёды. Па-першае, «здохлі» дэкарацыі. Па-другое, састарэлі артысты. І па-трэцяе, састарэў сам спэктакль. Наколькі я ведаю, Мікалай Пінігін вяртацца да гэтага спэктакля не будзе. Увосень мінулага году міністар культуры Павал Латушка цікавіўся ў Пінігіна, ці плянуецца аднаўленьне «Тутэйшых». Пінігін сказаў, што не. Бо кожны спэктакль мае свой век… Віктару Манаеву, які іграў Мікіту Зносака, у жніўні гэтага году будзе 52 гады. А ягонаму герою ў п’есе Янкі Купалы — 25—28. У нашым тэатры, канечне, ёсць таленавітая моладзь, але… Вы ўяўляеце, што такое аднавіць гэты спэктакль, увесьці абсалютна новых артыстаў? Гэта фактычна зрабіць новую пастаноўку…[4] | 
|
Акторы
рэдагаваць- Віктар Манаеў — Мікіта Зносак
- Аляксандар Малчанаў — Янка Здольнік
- Зоя Белахвосьцік — Аленка Гарошка
- Марыя Захарэвіч — Гануля Зношчыха
- Генадзь Аўсяньнікаў — Гарошка
- Мікалай Кірычэнка — Генрых Мотавіч Сьпічыні
- Аляксандар Падабед — Усходні вучоны
- Алег Гарбуз — Нямецкі і Польскі афіцэры, Начальнік патруля
- Мікалай Кучыц — Праваслаўны сьвяшчэньнік, Каталіцкі сьвятар
- Георгі Маляўскі — Каталіцкі сьвятар
- Аляксандар Паўлаў — Манах, Салдат
- Вячаслаў Паўлюць — Пан, Абарванец
- Арнольд Памазан — Поп
- Міхаіл Зуй — Манах
- Андрэй Гладкі — Салдат
- Павал Адамчыкаў — Салдат
- Натальля Качаткова — Дама
- Вікторыя Чаўлытка (масавыя сцэны)
- Аляксей Чарнігін
Водгукі
рэдагаваць|
|
«Тутэйшыя» — гэта ня проста спэктакль. Гэта цэлая эпоха, прычым ня толькі ў нашым тэатральным існаваньні, але — у беларускім культурным жыцьці. |
|
Крыніцы
рэдагаваць- ^ Зноў «Тутэйшыя»(недаступная спасылка) // Звязда № 157—158, 6 ліпеня 2002
- ^ «Тутэйшыя». Дубль два(недаступная спасылка) // Беларусь Сегодня, 6 ліпеня 2002
- ^ Настасься Зелянкова. «Тутэйшых» отправят на пенсию?(недаступная спасылка) // Салідарнасьць», 6.07.2007
- ^ «Тутэйшых» у Купалаўскім больш не будзе // Наша Ніва, 1 чэрвеня 2010
- ^ Пінігін: «Састарэлыя дэкарацыі ў „Тутэйшых“ — гэта хлусьня» Радыё Свабода Праверана 1 траўня 2013 г.