Мікалай Пінігін

Мікала́й Мікала́евіч Піні́гін (нар. 6 жніўня 1957, Ізюм, Харкаўская вобласьць, цяпер Украіна) — беларускі тэатральны рэжысэр, мастацкі кіраўнік Нацыянальнага акадэмічнага тэатру імя Янкі Купалы.

Мікалай Пінігін
Род дзейнасьці	тэатральны рэжысэр
Дата нараджэньня	6 жніўня 1957(1957-08-06) (66 гадоў)
Месца нараджэньня	Ізюм, Ізюмскі раён, Харкаўская вобласьць, УССР, СССР
Месца вучобы	Беларуская дзяржаўная акадэмія мастацтваў
Месца працы	Нацыянальны акадэмічны драматычны тэатар імя Максіма Горкага Нацыянальны акадэмічны тэатар імя Янкі Купалы Вялікі драматычны тэатар імя Таўстаногава[d]
Узнагароды	прэмія імя Е. Міровіча[d] (1994) прэмія імя Е. Міровіча[d] (1999)
Мікалай Пінігін у Вікісховішчы

Біяграфія

Нарадзіўся 6 жніўня 1957 году ў горадзе Ізюм (цяпер Харкаўская вобласьць, Украіна). У 1979 годзе скончыў тэатральны факультэт Беларускага тэатральна-мастацкага інстытуту па спэцыяльнасьці «Рэжысура тэлебачаньня» (Уладзімера Маланкіна, Віктара Карпілава). У 1979—1980 гадох працаваў рэжысэрам на беларускім тэлебачаньні. У 1980—1982 гадох працаваў артыстам Расейскага драматычнага тэатру імя Максіма Горкага (Менск). У 1982—1984 гадох на стажыроўцы ў якасьці рэжысэра ў Маскоўскім Малым тэатры. З 1985 году — рэжысэр Нацыянальнага акадэмічнага тэатру імя Янкі Купалы. У 1985—1987 гадох выкладаў на катэдры «Майстэрства актора й рэжысуры» Беларускай дзяржаўнай акадэміі мастацтваў. У 1995 годзе стажыраваўся ў парыскім тэатры Courant Fest. З 1998 году — рэжысэр Вялікага драматычнага тэатра ім. Г. А. Таўстаногава (Санкт-Пецярбург). Жыў у Санкт-Пецярбургу. У сьнежні 2008 году прызначаны галоўным рэжысэрам Нацыянальнага акадэмічнага тэатру імя Янкі Купалы.

Пастаўленыя спэктаклі

Мікалай Пінігін паставіў больш за 50 спэктакляў, сярод якіх

• 1984 «Жанчына з мора» Гэнрыка Ібсэна — Нацыянальны акадэмічны тэатар імя Янкі Купалы
• 1989 «Дракон» Яўгена Шварца — Нацыянальны акадэмічны тэатар імя Янкі Купалы
• 1989 «Эмігрант» Славаміра Мрожака — Нацыянальны акадэмічны тэатар імя Янкі Купалы
• 1990 «Тутэйшыя» Янкі Купалы — Нацыянальны акадэмічны тэатар імя Янкі Купалы
• 1992 «Дзіця з Віфлеему» — Тэатар-студыя кінаактора
• 1993 «Ідылія» Вінцэнта Дунін-Марцінкевіча — Нацыянальны акадэмічны тэатар імя Янкі Купалы
• 1996 «Сродак Макропуласа» Карэла Чапэка — Нацыянальны акадэмічны драматычны тэатар імя Якуба Коласа
• 1997 «Капрызы Марыяны» Альфрэда дэ Мюсэ — Вялікі драматычны тэатр імя Г. А. Таўстаногава
• 1998 «ART» Ясьміны Рэзы — Малы тэатр, г. Мінск, ВДТ імя Таўстаногава
• 1999 «Бедная Ліза» Мікалая Карамзіна — «Віртуёзы сцэны»
• 1999 «Каліфарнійская сюіта» Ніла Саймана — ВДТ імя Таўстаногава
• 1999 «Боты на тоўстай падэшве» Пятра Гладзіліна — прадзюсарскі цэнтр «Альфа-радыё»
• 2000 «Дотык» Патрыка Марбера — прадзюсарскі цэнтр «Альфа-радыё»
• 2000 «Хлусня на доўгіх нагах» Эдуарда дэ Філіпа — ВДТ імя Таўстаногава
• 2001 «Таленты і прыхільнікі» Аляксандра Астроўскага — ВДТ імя Таўстаногава
• 2002 «Вячэра з выдуркам» Франсіса Вэбера — Нікола-тэатар, «Альфа-радыё»
• 2002 «Касцюмер» Рональда Харвуда — ВДТ імя Таўстаногава
• 2003 «Бульвар злачынстваў» Эрыка-Эманюэля Шміта — Тэатар імя Я.Вахтангава, Масква
• 2003 «Чайка» Антона Чэхава — майстар-кляса, Клермон-Феран, Францыя
• 2004 «Матылёк» Пятра Гладзіліна — ВДТ імя Таўстаногава
• 2004 «Кацярына Іванаўна» Леаніда Андрэева — ВДТ імя Таўстаногава
• 2005 «Квартэт» Рональда Харвуда — ВДТ імя Таўстаногава
• 2006 «Эмігранты» Славаміра Мрожака — ВДТ імя Таўстаногава
• 2008 «Пінская шляхта» Вінцэнта Дунін-Марцінкевіча — Нацыянальны акадэмічны тэатар імя Янкі Купалы
• 2011 «Ноч на Каляды» Мікалая Гогаля — Нацыянальны акадэмічны тэатар імя Янкі Купалы
• 2012 «Местачковае кабарэ» паводле твораў Мар’яна Хемара, Юльяна Тувіма, Віктара Шалкевіча — Нацыянальны акадэмічны тэатар імя Янкі Купалы
• 2014 «Пан Тадэвуш» Адама Міцкевіча — Нацыянальны акадэмічны тэатар імя Янкі Купалы
• 2015 «Чайка» Антона Чэхава — Нацыянальны акадэмічны тэатар імя Янкі Купалы
• 2015 «Вельтмайстар-акардэон» Марка Мэрмана — Нацыянальны акадэмічны тэатар імя Янкі Купалы
• 2015 «ART» Ясьміны Рэзы — Нацыянальны акадэмічны тэатар імя Янкі Купалы
• 2016 «Дзьве душы» Максіма Гарэцкага — Нацыянальны акадэмічны тэатар імя Янкі Купалы
• 2017 «Школа падатка-плацельшчыкаў» Луі Вернэя ды Жоржа Бэра — Нацыянальны акадэмічны тэатар імя Янкі Купалы
• 2018 «Рэвізор» Мікалая Гогаля — Нацыянальны акадэмічны тэатар імя Янкі Купалы
• 2018 «Талерантнасьць» («Бог разьні») Ясьміны Рэзы — Нацыянальны акадэмічны тэатар імя Янкі Купалы
• 2019 «Кароль Лір» Ўільяма Шэксьпіра — Нацыянальны акадэмічны тэатар імя Янкі Купалы

Узнагароды

• Дзяржаўная прэмія Рэспублікі Беларусь (за спэктакль «Тутэйшыя» Янкі Купалы, 1992)
• тэатральная прэмія БСТД імя Еўсьцігнея Міровіча ў намінацыі «За найлепшую рэжысуру» (спэктакль «Ідылія» Вінцэнта Дунін-Марцінкевіча, 1994, 1999)
• «Чалавек году Беларусі» ў намінацыі «Сцэна» 1994 году.

Літаратура

• Пінігін Мікалай // Культуралогія: Энцыклапедычны даведнік. / Уклад. Дубянецкі Э. — Мн.: БелЭн, 2003. ISBN 985-11-0277-6

Вонкавыя спасылкі

• Біяграфія на афіцыйным сайце Нацыянальнага акадэмічнага тэатру імя Янкі Купалы