Таполя

Таполя (па-лацінску: Populus) — род лістападных дрэў сямейства вярбовых.

Таполя
Таполя чорная
Клясыфікацыя
Царства	Расьліны
Аддзел	Пакрытанасенныя
Кляса	Двудольныя
Атрад	Вербакветныя
Сямейства	Вярбовыя
Род	Таполя
Бінамінальная намэнклятура
Populus
Таполя на Віківідах  Таполя ў Вікісховішчы ITIS 22444 · NCBI 3689

Батанічнае апісаньне

Таполя чорная. Батанічнае аздабленьне кнігі О. В. Тамэ «Flora von Deutschland, Österreich und der Schweiz», 1885

Духмяныя плодзікі таполі

Дрэвы вышынёй да 40 м, дыямэтрам да 2 м.
Крона шатрападобная, яйкападобная або пірамідальная.
Лісьце шырокае, чаранковае, лянцэтнае, рамбічнае або дэльтападобнае.
Кветкі ў зьвіслых цыліндрычных каташках, ветраапыляльныя.
Плод — каробачка.

Сьвятлалюбныя, хуткарослыя, газа- і дымаўстойлівыя дрэвы.

Распаўсюджаньне

На Беларусі распаўсюджаны таполя белая, або серабрыстая, ясакар і асіна. Растуць у далінах рэк, у лясах, хмызьняках; вырошчваюцца як дэкаратыўныя. Квітнеюць у красавіку-маі.

У садох і парках больш за 10 інтрадукаваных відаў. Найбольш пашыраны таполі канадзкая, пірамідальная, ляўралістая, бальзамічная, Сімана, або кітайская, валасістаплодная.