Саюзная дзяржава Беларусі і Расеі

Саюзная дзяржава Союзное государство
Афіцыйная мова	беларуская расейская
Сталіца	Масква Менск
Форма кіраваньня Старшыня Найвышэйшага дзяржаўнага савету Старшыня Савету міністраў Дзяржаўны сакратар	канфэдэрацыя Аляксандар Лукашэнка Дзьмітры Мядзьведзеў Павал Барадзін
Плошча  • агульная	17 283 000 км²
Насельніцтва  • агульнае	149 703 900
Валюта	Беларускі рубель Расейскі рубель ( * BYR * RUB )
Незалежнасьць Садружнасьць Беларусі і Расеі Саюз Беларусі і Расеі Саюзная дзяржава	2 красавіка 1996 2 красавіка 1997 26 студзеня 2000
Аўтамабільны знак	BY RUS
Дамэн верхняга ўзроўню	.by/.бел .ru/.рф
Тэлефонны код	+ +375 +7

Саю́зная дзяржа́ва Белару́сі і Расе́і (па-расейску: Союзное государство Беларуси и России) — канфэдэратыўны зьвяз Рэспублікі Беларусі і Расейскай Фэдэрацыі.

Мінуўшчына

Урачыстая цырымонія падпісаньня дамовы аб утварэньні Саюзу Беларусі і Расеі ў Крамлёўскі палацы між Аляксандрам Лукашэнкам і Барысам Ельцыным

2 красавіка 1996 року між Беларусяй і Расеяй была дасягнутая дамоўленасьць пра ўтварэньне Садружнасьці Беларусі і Расеі з палітычнай і эканамічнай інтэграцыяй абедзьвюх дзяржаваў. 29 красавіка 1996 у Санкт-Пецярбургу старшыні парлямэнтаў падпісалі пагадненьні аб Парлямэнцкім сходзе. Перамовы ўладаў суправаджаліся пратэстамі беларускай апазыцыі.

2 красавіка 1997 року ў Маскве прэзыдэнты Беларусі і Расеі падпісалі Дамову аб Саюзе Беларусі і Расеі. З гэтай пары 2 красавіка адзначаецца як Дзень яднаньня народаў Беларусі і Расеі. 23 траўня 1997 адбылося падпісаньне Статуту Саюзу Беларусі і Расеі.

У 1997—1998 утвораныя Найвышэйшы савет, Выканаўчы камітэт, Парлямэнцкі сход Саюзу, Пагранічны і Мытны камітэты, Камітэт па пытаньнях бясьпекі.

8 сьнежня 1999 року ў Маскве падпісаная Дамова аб стварэньні Саюзнай дзяржавы, якая набыла моц 26 студзеня 2000 пасьля ратыфікацыі абодвума парлямэнтамі.

Глядзіце таксама

• Беларуска-расейскія стасункі
• Садружнасьць Незалежных Дзяржаваў

Вонкавыя спасылкі

• Інфармацыйна-аналітычны партал Саюзнай дзяржавы^{(рас.)(анг.)}
• Партал Саюзнай дзяржавы Беларусі і Расеі^(рас.)
• Гісторыя правалу «Саюзнай дзяржавы» адбываецца на нашых вачах, — экспэрт